Tabby Brown, kipusa aliyechumbiana na wanasoka wengi aaga dunia akiwa na miaka 28

Katika malimwengu ya soka, wanadada wengi ambao ni masosholaiti huvutiwa sana na penzi la wachezaji mbalimbali maarufu.

Mmoja wa wanasosholaiti hao ni mrembo Tabby Brown, mwanamitindo wa zamani ambaye awali alichumbiwa na nyota wa soka Raheem Sterling na Mario Balotelli, ameripotiwa kufariki.

Msichana huyo mwenye umri wa miaka 28 pia alishiriki katika kipindi cha ukweli cha TV The Bachelor kwenye Channel 5's.

Kwa mujibu wa gazeti la The Mirror, Brown na Balotelli walikutana kwenye klabu moja ya usiku mwaka 2011 na kuanza kupendana.

Walakini, uhusiano wao unasemekana kuwa wa muda mfupi, kwani wapenzi hao walitengana miezi saba tu baadaye.

Mnamo 2013, Brown aliyezama kwenye penzi alizungumza hadharani kuhusu uhusiano wake na Balotelli, na akasema:

"Kwa kweli nilimpenda Mario - dhidi ya uamuzi wangu bora. Aliniambia alitaka tutulie na kuwa na familia."

Licha ya kuachana, Brown alipata mapenzi tena miaka mitano baadaye na mchezaji wa Chelsea Sterling.

Wakati huo, inasemekana wawili hao walionekana katika hoteli ya kifahari ya Manchester wakati nyota huyo wa zamani wa Manchester City alipoegesha gari lililokuwa na tint kwenye vioo kabla ya kuingia hotelini.

Daily Star inaripoti kuwa kifo cha Brown tangu wakati huo kilisababisha sifa kadhaa kutoka kwa watu wanaomfahamu, huku mwanamuziki NayNay akiwa miongoni mwao.

"Ulikuwa mwanga gani. Sehemu yako ya nje ya nje ililingana na ndani yako, mrembo sana. Hakika nimeshtuka na kuhuzunika kuwa umeenda. Rest in eternal peace Tabby," alichapisha Instagram.