AS Roma yamfuta kazi kocha José Mourinho baada ya mfululizo wa kadi nyekundu

Klabu ya soka nchini Italia, AS Roma imethibitisha kumfuta kazi kocha wao Jose Mourinho, maamuzi ambayo yataanza kufanya kazi mara moja.

Kupitia tovuti yao, Roma waliema hii ni baada ya mashauriano ya muda baina ya pande zote husika.

“AS Roma inaweza kuthibitisha kwamba José Mourinho na wakufunzi wake wataondoka klabu mara moja.”

Mourinho alitambulishwa kama kocha wa 60 wa Giallorossi Mei 2021.

Aliiongoza timu hiyo kushinda Ligi ya Conference huko Tirana mnamo Mei 25, 2022, na hadi fainali ya Ligi ya Europa huko Budapest msimu uliopita.

"Tungependa kumshukuru José kwa niaba yetu sote katika AS Roma kwa bidii yake na juhudi tangu kuwasili kwake katika klabu," mwenyekiti wa Roma, Dan na Ryan Friedkin alisema.

"Siku zote tutakuwa na kumbukumbu nzuri za uchezaji wake Roma, lakini tunaamini kuwa mabadiliko ya mara moja ni kwa maslahi ya klabu. Tunamtakia José na wasaidizi wake kila la kheri katika juhudi zao za siku zijazo."

Masasisho zaidi juu ya wafanyikazi wapya wa makocha wa Timu ya Kwanza yatafuata mara moja.

Kocha huyo wa zamani wa Chelsea na Manchester United alishinda mechi 68 kati ya 138 akiwa kocha, lakini mara kwa mara amekuwa katikati ya matatizo ya kinidhamu.

Wiki iliyopita tu, Mourinho alifukuzwa kwa mechi ya pili mfululizo baada ya derby yenye vurugu na machafuko ya Roma ambapo timu yake ilifungwa 1-0 na Lazio.

Mchezo wake wa mwisho akiwa mkufunzi ulikuwa siku ya Jumapili walipochapwa mabao 3-1 na AC Milan jambo ambalo lilimaanisha kuwa timu hiyo yenye maskani yake Stadio Olympico ilikuwa imeshinda mchezo mmoja tu kati ya sita iliyopita ya ligi.