Lengo langu ni kuwa kocha wa Man Utd miaka 10 ijayo - Wayne Rooney afichua

Gwiji wa Manchester United, Wayne Rooney amesema ana nia ya kurejea haraka kwenye uongozi baada ya kutimuliwa na Birmingham City mwezi Januari na kueleza matarajio yake ya kuinoa Manchester United au Everton katika "miaka 10 ijayo."

Fowadi huyo wa zamani wa United na England alifukuzwa kazi miezi mitatu tu katika mkataba wake wa miaka mitatu na nusu huko Birmingham - kipindi ambacho klabu hiyo ilipoteza mara tisa katika michezo kumi na tano.

Licha ya uzoefu huo mbaya, Rooney bado hajakata tamaa kutoka kwa kuwa kocha wa klabu ya soka.

"Kusimamia Manchester United au Everton ndio lengo, kazi hizi kubwa ni pale unapotaka kufika," Rooney alisema kwenye Match of the Day, ambapo alikuwa akifanya kazi kama mchambuzi wa mchezo wa United wa Kombe la FA dhidi ya Nottingham Forest.

"Lakini ni mchakato ambao sina budi kupitia hatua na kujirudisha kwenye mstari. Nataka nijirudishe kwenye usimamizi ili kuhakikisha katika miaka 10 ijayo nina matumaini ya kuingia kwenye moja ya kazi kubwa."

Rooney alipata kazi ya kwanza ya usimamizi katika klabu ya Derby County, ambapo alikuwa kocha mkuu kati ya Januari 2021 na Juni 2022. Alifanikiwa kuinoa klabu hiyo msimu wa 2021-22 na karibu akafanikiwa kurudia kazi hiyo mwaka uliofuata, licha ya klabu hiyo kukumbana na punguzo la pointi 21. Pointi 55 ilizoshinda Derby mwaka huo zingetosha kupata usalama katika msimu mwingine wowote.

Mchzaji mstaafu mwenye umri wa miaka 38 alichukua mikoba ya D.C. United, klabu ambayo aliwahi kuichezea hapo awali, Julai 2022.

Timu hiyo ya MLS ilimaliza mkiani mwa Mkutano wa Mashariki katika mwaka wake wa kwanza kuongoza kabla ya kuimarika hadi nafasi ya 9 mwaka uliofuata.

Uteuzi wake huko Birmingham ulikuja kwa mshangao, kutokana na klabu hiyo kuwa katika nafasi za mchujo wa Ubingwa wakati mtangulizi wa Rooney, John Eustace, alipofutwa kazi.

Ingawa kipindi cha Birmingham kilikuwa pigo kwa sifa ya Rooney kama meneja, gwiji huyo wa United alisema anaisikitikia.

"Kwa hakika nataka kurejea kwenye uongozi. Ilikuwa ni kikwazo kilichotokea Birmingham lakini mimi ni mpambanaji na ninataka kurejea katika hilo," alisema.

"Unajua kama meneja [kufutwa kazi] ni sehemu ya kazi na utakuwa na vikwazo. Ni kuhusu jinsi unavyorejea.”

"Nimekuwa na wakati mzuri wa kutafakari na nitahakikisha ninaipata wakati ujao."