• Hata hivyo, Daily Star sasa inaripoti kwamba De Bruyne ameamua kusalia City baada ya kujadili uwezekano wa kuhama na familia yake.
• Kocha wa City Pep Guardiola atafurahishwa na uamuzi wa De Bruyne, baada ya kusema wazi mapema wiki hii kwamba "Kevin haondoki".
Image: HISANI
Kevin De Bruyne anatazamiwa kusalia Manchester City na kukataa mkataba wa pauni milioni 1 kwa wiki – sawa na shilingi milioni 172 za Kenya, kujiunga na Al-Ittihad ya Saudi Arabia, jarida la The Mirror limeripoti.
De Bruyne hapo awali alidokeza kuhusu uwezekano wa kuhamia Saudi Arabia, aliambia gazeti la Ubelgiji HLN mwezi Juni: "Katika umri wangu unapaswa kuwa wazi kwa kila kitu. Unazungumzia kiasi kikubwa cha pesa ambacho kinaweza kuwa mwisho wa kazi yangu.”
"Wakati mwingine unapaswa kufikiria juu yake. Nikicheza huko [Saudi Arabia] kwa miaka miwili, nitaweza kupata kiasi cha ajabu cha pesa. Kabla ya hapo nililazimika kucheza mpira wa miguu kwa miaka 15. Labda nisifikie kiasi hicho bado.”
"Basi inabidi ufikirie kuhusu hilo linaweza kumaanisha nini baadaye. Lakini kwa sasa sijalazimika kufikiria hilo bado."
Hata hivyo, Daily Star sasa inaripoti kwamba De Bruyne ameamua kusalia City baada ya kujadili uwezekano wa kuhama na familia yake.
Bosi wa Al-Ittihad Laurent Blanc alisemekana kujiamini kuhusu uwezekano wa klabu hiyo kumsajili De Bruyne, lakini mchezaji huyo wa kimataifa wa Ubelgiji amechagua kusalia England kwa angalau mwaka mwingine kutokana na wasiwasi wa kuing'oa familia yake.
De Bruyne na mkewe, Michele, 'wana kutoridhishwa hasa kuhusu kubadilisha shule ya mtoto wake mkubwa Mason Milian'.
Kocha wa City Pep Guardiola atafurahishwa na uamuzi wa De Bruyne, baada ya kusema wazi mapema wiki hii kwamba "Kevin haondoki".
Hata hivyo, mustakabali wa muda mrefu wa mchezaji huyo mwenye umri wa miaka 33 bado haujulikani anapoingia katika miezi 12 ya mwisho ya mkataba wake uliopo. Akitafakari mustakabali wake baada ya Ubelgiji kuondolewa kwenye Euro 2024, De Bruyne alikiri: "Ni vigumu kusema sasa (hatua yangu inayofuata itakuwaje).