Msumari wa mwisho katika jeneza la Sterling na Chalobah Chelsea ikiwapokonya namba za jezi

Chelsea imewapokonya Raheem Sterling na Trevoh Chalobah namba za kikosi chao katika dhamira ya hivi punde ya kuwalazimisha kuondoka Stamford Bridge.

Wawili hao ni wachezaji wawili wa kikosi cha The Blues ambao wamelazimika kufanya mazoezi mbali na kikosi cha kwanza pamoja na Ben Chilwell, Romelu Lukaku, Kepa Arrizabalaga na Armando Broja.

Chelsea kupitia tovuti yao walitangaza mabadiliko hayo wakisema sajili wapya Pedro Neto atarithi jezi nambari 7 ya Sterling huku Joao Felix akirithi jezi namba 14 ya Trevor Chalobah.

Juventus ina nia ya kumnunua Sterling, huku ikifahamika kuwa Manchester United wamepewa nafasi ya kumnasa Chilwell kutokana na mabeki wao wawili wa kushoto Luke Shaw na Tyrell Malacia kubaki majeruhi.

Haishangazi, hakuna mchezaji hata mmoja katika kundi hilo aliyehusika katika kikosi cha Chelsea siku ya mechi kwa ajili ya mechi yao ya kwanza ya Ligi Kuu dhidi ya Manchester City, ambayo walipoteza 2-0.

Sterling alitwaa jezi ya nambari 17 alipojiunga kwa mara ya kwanza kutoka City msimu wa joto wa 2022 kwa pauni milioni 47.5 na akahamia nambari 7 msimu uliopita.

Hata hivyo, jezi hiyo sasa imeenda kwa Pedro Neto aliyejiunga na Wolves kwa pauni milioni 54.

Mabadiliko hayo yanakuja siku chache baada ya Neto kuvaa jezi namba 19 katika mechi yake ya kwanza ya Chelsea dhidi ya City.

Kwa upande wa Chalobah, amelazimika kuacha jezi yake nambari 14 kwa mwajiri mpya Joao Felix, ambaye alivaa nambari sawa wakati wa mkopo wake akiwa na Barcelona msimu uliopita.

Kurejea kwa fowadi huyo wa Ureno Magharibi mwa London kulithibitishwa Jumatano huku Chelsea wakigharimu pauni milioni 42.6 kumzawadia Atletico Madrid.