• "Ninaangalia chaguzi kadhaa kwa sasa. Ninafikiria kuhusu uwezekano wa Ulaya, Uingereza, Saudi Arabia, Qatar na MLS - sio tu Brazil kama chaguo kwangu.”
"• Ninajaribu kuona uwezekano wote na kufikiria kufanya uamuzi sahihi sasa hivi. Tayari nina ofa kadhaa na huu ndio wakati muhimu wa kuamua changamoto yangu ijayo."
Winga wa zamani wa Fulham, Arsenal na Chelsea Willian yuko tayari kuhama tena Ligi ya Premia huku akisisitiza kuwa anaweza kucheza hadi atakapofikisha miaka 40, BBC Sport wameripoti.
Mchezaji huyo wa kimataifa wa Brazil, kwa sasa ana umri wa miaka 36, ni mchezaji huru baada ya kuondoka Craven Cottage msimu huu wa joto wakati mkataba wake ulipoisha.
Alipoulizwa kwa nini aliondoka Fulham na ni wapi ataona mustakabali wake, Willian aliambia BBC Sport:
“Niliamua kuondoka Fulham muda mrefu kabla ya mwisho wa msimu Januari au Februari. Nilikuwa na wazo kwamba nitaondoka baada ya kuzungumza na wakala wangu na familia. Haukuwa uamuzi uliotolewa mwishoni mwa msimu lakini miezi michache iliyopita.”
"Ninaangalia chaguzi kadhaa kwa sasa. Ninafikiria kuhusu uwezekano wa Ulaya, Uingereza, Saudi Arabia, Qatar na MLS - sio tu Brazil kama chaguo kwangu.”
"Ninajaribu kuona uwezekano wote na kufikiria kufanya uamuzi sahihi sasa hivi. Tayari nina ofa kadhaa na huu ndio wakati muhimu wa kuamua changamoto yangu ijayo."
Akiwa mchezaji huru, Willian anaweza kuhama baada ya tarehe ya mwisho ya kuhama maadamu kuna nafasi katika vikosi vya kumsajili.
Ameendelea kuwa na umbo na anaamini kuwa amebakiza “miaka mitatu au minne” na kuongeza: “Ninajisikia vizuri kimwili na katika misimu miwili nikiwa Fulham, sikuwa na tatizo lolote, hivyo najihisi kabisa vizuri.
"Ninafanya kazi kwenye gym ili kuwa katika hali nzuri lakini, bila shaka, ni tofauti na mazoezi ya kila siku na kuwa tayari ndani ya klabu. Lakini ninafanya kila niwezalo kuwa katika hali nzuri kwa klabu yangu ijayo.”
"Nadhani kiwango changu kimwili na kiakili ni kikubwa. Nafikiri naweza kucheza kwa miaka mitatu au minne zaidi - labda hadi nitakapofikisha umri wa miaka 40! Ninahisi kuhamasishwa na katika kiwango cha juu."
Pia aliwasifu Fulham na meneja wa zamani Marco Silva kwa kufufua kazi yake baada ya kipindi kigumu huko Corinthians.
"Nina maneno mazuri tu ya kusema kuhusu Fulham. Ilikuwa miaka miwili ya kushangaza na walinitendea vyema. Nitawashukuru daima kwa kufungua milango ya kucheza Ligi Kuu tena.
"Wamiliki, watu wanaofanya kazi katika klabu, vijana na Marco Silva - ni kocha mzuri na mtu."