NOW ON AIR

Nuru Okanga: Mimi niko Form 2 na nasoma Online; kwangu niko na bonge la kompyuta!

“Sijaenda shule kutilia ili kukuwa na akili. Mimi tayari nina akili. Nimeenda pale kutafuta vyeti kwa sababu sitaki kuwa MCA pekee yake, nataka nipande ngazi hadi kuwa MP."

na MOSES SAGWEjournalist

Burudani03 April 2025 - 14:45

Muhtasari

“Sijaenda shule kutilia ili kukuwa na akili. Mimi tayari nina akili. Nimeenda pale kutafuta vyeti kwa sababu sitaki kuwa MCA pekee yake, nataka nipande ngazi hadi kuwa MP, gavana na hata rais wa hii nchi,” alibainisha wazi malengo yake.
Alieleza kwamba nyumbani kwake ako na kompyuta ya kipekee inayomwezesha kuhudhuria vipindi vya masomo kupitia njia ya mitandaoni na vikiisha anajikita katika masuala mengine.
“Unajua maisha ya leo ni dijitali. Watu wengi wanasoma online, hata juzi mliona rafiki yangu Oscar Sudi alipewa cheti na hakuwa anaonekana akienda shule.”

MKEREKETWA wa siasa za upinzani Nuru Okanga amesisitiza kwamba yeye bado ni mwanafunzi licha ya kutoonekana akihudhuria masomo shuleni.

Akizungumza katika mahojiano na kituo kimoja cha redio humu nchini, Okanga alikanusha madai kwamba anawachezea shere wafuasi wake mitandaoni kwa kujiita mwanafunzi na kusema kwamba safari yake ya masomo inaendelea.

Mwanasiasa huyo chipukizi alichangiwa na marafiki zake takribani miaka miwili iliyopita akisema anaenda shule wakati huo akidai kufanya mtihani wa darasa la nane, KCPE.

Katika mahojiano hayo, Okanga alisema kwa sasa yuko katika kidato cha pili na kwamba vipindi vyake vya masomo yeye huvifanya kupitia mitandao.

Alieleza kwamba nyumbani kwake ako na kompyuta ya kipekee inayomwezesha kuhudhuria vipindi vya masomo kupitia njia ya mitandaoni na vikiisha anajikita katika masuala mengine.

“Unajua maisha ya leo ni dijitali. Watu wengi wanasoma online, hata juzi mliona rafiki yangu Oscar Sudi alipewa cheti na hakuwa anaonekana akienda shule.”

“Sasa hivi vitu vimeingie kidijitali, tunaingia online kama kuna somo tunasoma hapo ukimaliza unafunga ukurasa. Mimi kwangu niko na kompyuta, nikijua leo saa Fulani niko na somo Fulani, nitakaa chini nifungue kompyuta yangu nisome na nikisha maliza, nafunga,” Okanga alieleza.

Alisema kwamba hayo yote japo yanaonekana kama hekaya za abunuwasi lakini ni mafunzo ambayo yanafanyika katika shule za sekondari Kenya – kwamba mwanafunzi anaweza soma online.

Mwanasiasa huyo anayesemekana kulenga kiti cha MCA katika wadi moja kaunti ya Kakamega hata hivyo alikanusha kwamba kwenda kwake shuleni si kutilia manani ili kuwa na akili bali ameenda kutafuta cheti.

“Hayo yanafanyika sekondari hapa Kenya. Niko kidato cha pili. Unajua watu wengi wanaona yale mambo ninaongea ni porojo, lakini kile ninaweza ambia watu ni kwamba sijaenda kwa shule kutilia maanani, kukuwa na akili. Mimi tayari nina akili. Nimeenda pale kutafuta vyeti kwa sababu sitaki kuwa MCA pekee yake, nataka nipande ngazi hadi kuwa MP, gavana na hata rais wa hii nchi,” alibainisha wazi malengo yake.