Bonface Mwangi atoa maoni yake kwa nini anahisi Kindiki hafai kushikilia ofisini ya umma

Muda mchache baada ya kuachiliwa bila mashtaka, mwanaharakati wa haki za kibinadamu Boniface Mwangi amesema kuwa waziri wa maswala ya ndani Kithure Kindiki hafai kushikilia nafasi katika ofisi ya umma.

Kupitia mtandao wake wa X, Mwangi amesema  kwamba wakenya wengi wametekwa nyara na wengine kuulliwa kwa njia zisizoeleweka  chini ya utawala wake kama CS wa usalama.

Kulingana na mwanaharakati huyo, hatua ya rais Dkt. William Ruto kumpandisha hadhi Kithure Kindiki kuwa naibu wa rais wa taifa la Kenya ni kuzidisha uhuru wa kiongozi huyo na uasi wa sheria.

“Chini ya uongozi wake, wananchi wametekwa nyara na kuuwawa na kumekuwa na ongezeko la kushangaza la mauaji ya wanawake.” Aliandika Mwangi.

Vile vile, mwanaharakati huyo ameitaka serikali kuzifidia familia ambazo zilipoteza wapendwa wao waliouliwa na polisi katika maandamano ya mwezi Juni ya kupinga mswada wa fedha.

Mwanaharakati huyo aliwachiliwa huru Jumatatu asubuhi baada ya kukesha katika kituo cha polisi cha Kamukunji.

Mwangi alikuwa amekamatwa Jumapili asunuhi nyumbani kwake Courage Base katika eneo la Ukambani kwa madai ya kuchochea wananchi kuandaa maandamano katika hafla ya mbio za Standard Chartered  marathon zilizofanyika Jumapili jijini Nairobi.