Wezi waiba kadi ya ATM, wanunua tikiti ya kamari na kushindi Sh67.8m, mwenye kadi aomba mgao

MWANAMUME ambaye kadi yake ya ATM iliibwa na kutumika kununua tikiti ya mchezo wa bahati nasibu ya kushinda shilingi 67,815,000 ametoa ombi la kipekee kwa wezi hao kujitokeza ili kumgawia kitu kidogo kutokana na ushindi huo.

Wezi hao walinunua kadi ya mwanzo iliyoshinda ya €500,000 (Sh67,815,000) na kadi hiyo iliyoibwa katika jiji la Toulouse nchini Ufaransa.

Lakini tikiti haijawasilishwa kudai zawadi.

Mwathiriwa wa wizi huo, aliyetambuliwa katika hati za polisi kama Jean-David E, mkoba wake uliokuwa na kadi yake ya benki uliibiwa kutoka kwa gari lake mapema mwezi huu.

Aliiomba benki yake kuifungia lakini akajua kwamba kadi yake ilikuwa tayari imetumika katika duka la mahali hapo, ambapo watu wawili ambao inaonekana walikuwa hawana makazi walikuwa wameitumia kununua kadi ya mwanzo ya ushindi.

"Walifurahi sana hivi kwamba walisahau sigara na mali zao na wakatoka kama watu wazimu," wakili wa Jean-David Pierre Debuisson alisema.

Alisema Jean-David amewasilisha malalamiko ya polisi kuhusu wizi huo, lakini yuko tayari kuyaondoa iwapo wezi hao watajitokeza ili wagawane fedha hizo.

"Ni hadithi ya ajabu, lakini yote ni kweli," aliongeza.

Wakili huyo aliwasilisha rufaa ya kitaifa siku ya Alhamisi, akiwataka wezi hao kuwasiliana na afisi yake ili kufanya makubaliano.

"Bila wao, hakuna ambaye angeshinda," aliambia shirika la utangazaji la Ufaransa-2.

La Francaise des Jeux (FDJ), mwendeshaji wa bahati nasibu ya serikali, alisema bado hakuna mtu ambaye amewasilisha tikiti ya kudai zawadi hiyo.

Bw Debuisson alisema waendesha mashitaka wanaweza kujaribu kunyakua ushindi huo, kwa kuzingatia faida zilizopatikana kinyume cha sheria, na akaonya kwamba tikiti itaisha.

"Wakati unafanya kazi dhidi yetu," alisema.

"Huna hatari yoyote ... tutashiriki nawe," alisema. "Na ungekuwa na uwezo wa kubadilisha maisha yako."