logo

NOW ON AIR

Listen in Live

Kikuyu: Polisi wavamia shamba la bangi nusu ekari linalomilikiwa na Waburundi

“Kazi kibarua tuko nayo ni kumtafuta mwenye hili shamba na wale ambao wameajiriwa kufanya kazi hapa. Eneo la shamba ni kama nusu ekari," chifu alisema.

image
na MOSES SAGWEjournalist

Habari19 March 2025 - 12:11

Muhtasari


  • Kwa mujibu wa taarifa, shamba hilo linamilikiwa na raia wa Burundi ambao hata hivyo hawakuweza kutiwa mbaroni wakati wa uvamizi huo wa vyombo vya dola.
  • Walisema kwamba Warundi hao walikuwa wanafanya ukulima wa mahindi katikac sehemu ya mbele ya shamba hilo huku kwenda ndani wakifanya ukulima haramu wa bangi.

POLISI NA MACHIFU WANASA SHAMBA LA BANGI

MAAFISA wa polisi katika kaunti ndogo ya Kikuyu asubuhi ya Jumatano walivamia shamba lenye ukubwa wa takribani nusu ekari ambalo ni la kukuza bangi.

Katika video zilizochukuliwa kutoka eneo hilo la Kidfarmaco, polisi kwa ushirikiano na machifu wa eneo hilo walitaarifiwa kuhusu shamba hilo ambalo limekuwa likikuza dawa za kulevya aina ya bangi kisiri kwa muda mrefu.

“Asubuhi tumepata ripoti kwamba mwenye hili shamba ambaye anapanda bangi. Tumepata ujumbe kwamba kando na kupanda mahindi, huku ndani kuna mimea ya bangi. Na hata mkiona hapa karibu amefanya unyunyiziaji ili kuhakikisha kwamba bangi inanawiri,” chifu alisema.

Kwa mujibu wa taarifa, shamba hilo linamilikiwa na raia wa Burundi 3 ambao hata hivyo hawakuweza kutiwa mbaroni wakati wa uvamizi huo wa vyombo vya dola.

Walisema kwamba Warundi hao walikuwa wanafanya ukulima wa mahindi katikac sehemu ya mbele ya shamba hilo huku kwenda ndani wakifanya ukulima haramu wa bangi.

“Kazi kibarua tuko nayo ni kumtafuta mwenye hili shamba na wale ambao wameajiriwa kufanya kazi hapa. Eneo la shamba ni kama nusu ekari na tunajua tunatafuta washukiwa wawili na bila shaka mwenye shamba,” chifu alisema.

Chifu huyo alitoa wito kwa wamiliki wa mashamba ambayo hayatumiki kuanzisha miradi halali katika mashamba hayo ili kuzuia visa vya ukuzaji wa dawa haramu za kulevya.

Pia alitoa wito kwa majirani kuwa macho ili kuhakikisha wenzao wanafanya shughuli halali katika vipande vyao vya ardhi, akisema kwamba ikiwa majirani wa shamba hilo wangekuwa makini, basi wangegundua kwamba mwenzao anafanya kilimo cha bangi na kupiga ripoti mapema.

 

Makala Zinazohusiana


RADIO JAMBO FREQUENCIES

Kisumu 100.1 | Mombasa 92.3 | Nakuru 96.9 | Eldoret 99.5 | Nyeri 99.3 | Nyahururu 97.3 | Webuye 95.3 | Meru 92.7 | Kitui 104.9 | Kibwezi 104.7 | Voi 105.7 | Malindi 98.1 | Lamu 104.7 | Narok 97.3 | Kapenguria 99.7 | Kisii 89.3 | Garissa 104.3 | Maralal 97.3 | Lodwar 92.7


logo© Radio Jambo 2024. All rights reserved