Mungai Eve afungua akaunti mpya ya youtube baada ya kuzozana na mkurugenzi Trevor

YouTuber Mungai Eve amefungua akaunti mpya ya YouTube chini ya chapa ya 'Mungai Eve Media.' baada ya Mkurugenzi Trevor 'kumfukuza' .

Akaunti yake mpya ilipewa jina la 'Mungai Eve Media', na aliwaahidi mashabiki wake kwamba alikuwa na maudhui ya kuburudisha ya kuwasilisha. 

Aliwaalika Wakenya kuungana naye katika safari hiyo mpya akisema itakuwa ya kusisimua wanapochunguza uzoefu wa binadamu, kusherehekea utofauti, na kuwasha mabadiliko chanya.

Akaunti yake sai iko na wafuasi 10.7k.

Mkurugenzi Trevor ametoa pongezi zake za dhati kwa MwanaYouTube Eve Mungai kwa uzinduzi wa chaneli yake mpya ya YouTube.

Akitumia instastories zake, Trevor aliandika ujumbe mzito kwa niaba ya Kenya Online Media (KOM) kwa Mungai.

“Kutoka Kenya Online Media (KOM) tunamtakia Mungai Eve kila la heri katika safari yake mpya,” Trevor aliandika.

Mnamo Jumatatu, Februari 19, Trevor alijitokeza akisema alikuwa amemfukuza kazi Eve Mungai na kuchukua udhibiti kamili wa akaunti zao za mitandao ya kijamii.

Alizindua utambulisho mpya wa kituo hicho, na kujipatia jina jipya la 'Kenya Online Media (KOM)', kuanzia Jumanne, Februari 20.

Tangazo la Trevor lilikuja pamoja na ujumbe wa mafumbo unaoonekana kuelekezwa kwa mpenzi wake wa zamani.