•Licha ya ujumbe wake kuwa mzuri, si kila mtu aliukubali kwani baadhi walionekana kumkosoa na kutumia chapisho lake dhidi yake.
•Seneta huyo wa UDA hakusita kuthibitisha kwamba anapenda mvinyo na kudokeza kuwa yeye si mhubiri.
Siku ya Jumapili, seneta wa kuteuliwa Karen Nyamu alishiriki mstari wa Biblia huku akiwataarifu wafuasi wake kuhusu mahali ambapo angehudhuria ibada.
Katika chapisho lake, mwanasheria huyo alinukuu Zaburi 139:5 ambayo inazungumza kuhusu Mungu kuandaa maisha ya baadaye ya mtu na kusafisha maisha yake ya zamani.
"Umeingia katika maisha yangu ya baadaye ili kuandaa njia, na kwa wema unanifuata nyuma yangu, ili kuniepusha na madhara ya maisha yangu ya zamani. Kwa mkono wako wa upendo juu ya maisha yangu, unanipa baraka za Baba," Karen Nyamu alinukuu.
Aidha, aliendelea kufichua kuwa angeungana na rais Wiliam Ruto katika ibada ya Jumapili katika ikulu ya Sagana, Kaunti ya Nyeri.
Licha ya ujumbe wake kuwa mzuri, si kila mtu aliukubali kwani baadhi walionekana kumkosoa na kutumia chapisho lake dhidi yake.
Shabiki mmoja alimshutumu mwanasiasa huyo asiyepungukiwa na drama kwa unafiki na akamkosoa kwa hilo.
"Mfano mzuri wa kuhubiri maji wakati wa kunywa divai," mtumiaji wa Instagram aliandika.
Katika majibu yake, seneta huyo wa UDA hakusita kuthibitisha kwamba anapenda mvinyo na kudokeza kuwa yeye si mhubiri.
Karen alisema, “Isipokuwa mimi si mhubiri, mimi ni mpenda mvinyo tu.”
Katika siku za nyuma, Seneta Karen Nyamu amewahi kuonekana akiburudika na kunywa pombe hadharani na kwa faragha.
Kuelekea mwishoni mwa mwaka jana, mama huyo wa watoto watatu aliapa kuacha kunywa pombe baada ya drama iliyomhusisha yeye, mpenzi wake Samidoh na mke wa kwanza wa mwimbaji huyo, Edday Nderitu kuzuka jijini Dubai mnamo Desemba.
Nyamu alilaumu tabia yake ya kutia aibu kwa ukweli kwamba alikuwa amelewa na kufuatia hayo akatangaza kwamba ameamua kuacha kunywa pombe mwaka wa 2023.
"Pombe sio supu," alisema.
Aliongeza, "Lakini nimeacha pombe, 2023 hio ndio azimio. Hakuna pombe kwangu."
Wiki chache baadaye, hata hivyo alithibitisha kwamba hakuwa ameiacha chupa na kudokeza kwamba hana mpango wa kuacha.
Mnamo mwezi Februari, mwanasiasa huyo alikanusha madai kwamba yeye ni mlevi kufuatia drama iliyokuwa imetokea takriban miezi miwili iliyokuwa imepita.
Katika mahojiano na kituo kimoja cha redio nchini humo, alisema;
“Mimi sio mlevi lakini nafurahia Heineken yangu mara moja moja, siku hiyo nilikunywa makali, watu wanadhani nanywa kila siku lakini sinywi, mimi ni mlevi wa kijamii, siku hiyo (Dubai) ilikuwa baya lakini mimi sijuiti."