Mwanamke mmoja kwenye mtandao wa Facebook amegeuzwa kicheko na mtu wa kutupiwa maneno ya kila rangi baada ya kubainika kwamba ndiye alimuuwa mume wake lakini kwenda kwenye mtandao huo kuachia ujumbe mrefu wenye machungu akiomboleza kifo chake.
Mwanamke huyo kwa jina Mwila Kasase alimuomboleza mumewe kwenye ukurasa wa Facebook wakati alifariki, lakini baada ya kuzikwa, familia ya mum wake ilimshuku na kutaka uchunguzi wa maiti kufanyika upya.
Kwa mujibu wa jarida la Zambian Observer, Inadaiwa alishirikiana na wanawe kumvamia na kumpiga mumewe hadi kufa baada ya kuchelewa kurudisha gari ambalo alitaka kutumia kufika nyumbani kutoka kwa rafiki yake.
Mwili wa marehemu hata ulizikwa lakini familia yake ilisisitiza kufanyiwa uchunguzi wa maiti kwa sababu walishuku mchezo mchafu.
Mwili huo ulitolewa na kuchunguzwa siku ya Jumatano na matokeo ya uchunguzi yalionyesha kuwa mtu huyo alivunjika mkono, mguu na mbavu.
Lakini wakati wa mazishi, alilia zaidi na hata akaenda kwenye mitandao ya kijamii kuhoji Mungu kwa nini aliruhusu mumewe afe.
“Mume wangu, hili limenivunja moyo kwa sana, Mungu wangu mbona ukaruhusu mume wangu kufa? Nimeishiwa maneno, hata sijui jinsi nilimuomboleza,” sehemu ya ujumbe wake ilisoma.
