Kasisi mmoja kwa jina la William Nishimwe,ameibua hisia mitandaoni baada ya kuonekana akihubiria abiria wa ndege akiwauliza wautubu dhambi.
Mchungaji huyo alishiriki video alipokuwa akitambisha neno la Mungu na abiria wenzake waliokuwa wakisafiri kwa ndege.
Kwenye video hiyo William Nishimwe alionyesha upendo wa Mungu kwa jinsi alivyoshiriki neno akiwaita waume kwa wake,wakubwa kwa wadogo kwenye toba na utakatifu.
Aliambia abiria wakati mwafaka wa kukiri imani ni sasa kwani hukumu ya Mungu yaja.
"Huu ni wakati wa sisi kuacha dhambi kwa sababu hukumu ya Mungu inakuja dhidi ya dhambi. Tafadhali mchukue Yesu sasa. Huu ni wakati muhimu sana kwa Yesu kama Bwana na Mwokozi wako maana wakati umekwisha ,na Kristu Yesu anarudi."
Aliendeleza mahubiri yake kwa utulivu aliopata kutoka kwa abiria,akiwaambia jinsi Yesu anavyowapenda wapendwa wake.
"Yesu anawapenda ninyi watu wa ajabu. Chukua fursa hii na uandae maisha yako." Alisema.
Mchungaji alikariri hitaji la abiria kumpokea Kristo na kujiweka tayari kwa ujio wa pili wa Bwana Yesu Kristo.
"Bwana awabariki sana. Nilitaka tu kushiriki nanyi habari hii muhimu ili nanyi pia muweze kuandaa maisha yenu kwa ajili ya ujio wa Bwan wetu." Alisisitiza.
Hata hivyo,sio kila mtu alipoka ujumbe wake kwa furaha,huku baadhi ya watumiaji wa mitandao ya kijamii wakishiriki maoni yao.
