Image: BBC
Msichana mwenye umri wa miaka 18 nchini China ambaye alimpigia simu mpenzi wake zaidi ya mara 100 kwa siku amegundulika kuwa anasumbuliwa na "ubongo wa kimapenzi", toleo la South China Morning Post limeripoti.
Kwa mujibu wa ripoti hiyo isiyo ya kawaida, Msichana huyo, aliyepewa jina la utani Xiaoyu, kutoka mkoa wa Sichuan kusini-magharibi mwa Uchina, alihangaika sana hivi kwamba iliathiri vibaya afya yake ya akili na kufanya maisha ya mpenzi wake kuwa ya taabu, Yueniu News iliripoti.
Du Na, daktari katika Hospitali ya Fourth People’s jimbo la Chengdu, alinukuliwa na toleo hilo akisema tabia ya Xiaoyu ya wasiwasi ilianza katika mwaka wake wa kwanza wa chuo kikuu.
Xiaoyu na mpenzi wake walianzisha uhusiano wa karibu, lakini hivi karibuni alihisi wasiwasi na kukandamizwa kwa sababu alianza kumtegemea sana na kumhitaji kila wakati.
Sio tu kwamba alimpigia simu ili amwambie mara kwa mara mahali alipo, pia alitaka amjibu meseji zake saa zote za mchana na usiku.
"Alitarajiwa kujibu jumbe zake mara moja," Du alisema.
Katika klipu ya video iliyoonwa na toleo hilo, Xiaoyu anaonekana akimtumia mpenzi wake ujumbe mara kwa mara ili awashe kamera yake ya WeChat. Hajibu lakini yeye humpigia simu hata hivyo, jambo ambalo anapuuza.
Siku moja alimpigia simu zaidi ya mara 100 lakini hakupokea. Alikasirika sana hivi kwamba alitupa vitu vya nyumbani na kuvivunja karibu na nyumba.
Mpenzi huyo aliwapigia simu polisi, ambao walifika mara tu alipotishia kuruka kutoka kwenye balcony. Xiaoyu alikwenda hospitalini, ambako aligunduliwa na ugonjwa wa borderline personality disorder, unaojulikana kama "ubongo wa kimapenzi".
Du alisema kuwa hali hiyo inaweza kuambatana na magonjwa mengine ya akili kama vile wasiwasi, unyogovu na ugonjwa wa bipolar.
Du hakufichua sababu ya ugonjwa wa Xiaoyu, lakini alisema mara nyingi ulitokea kwa watu ambao hawakuwa na uhusiano mzuri na wazazi wao wakati wa utoto.
Alisema watu walio na hali hiyo ndogo, ambao maisha yao hayakuathiriwa vibaya, wanaweza kupona wenyewe kwa kujifunza kudhibiti hisia zao.