Mr Seed atoa onyo kali kwa wasanii wa Kenya wanaohujumu kazi yake

Mwanamuziki wa Kenya Mr Seed ametoa onyo kali kwa wasanii wenzake ambao anadai wanahujumu kazi yake.

Katika taarifa kwenye Instagram siku ya Jumapili, msanii huyo wa 'Dawa ya Baridi' alielezea kusikitishwa kwake na wale anaosema wanajaribu kuhujumu muziki wake.

"Mimi ni mbunifu ambaye nimefanya kazi kwa bidii kuwapa mashabiki wangu kilicho bora zaidi. Kila mradi ninaotoa umekuwa maalum, na pamoja na timu yangu, tumekuwa tukitamani kuifanya kwa njia ifaayo," Mr Seed alisema.

Msanii huyo aliyeshinda tuzo alieleza kuwa timu yake imekuwa ikifanya kazi bila kuchoka ili kuhakikisha kuwa muziki wake unapata kutambuliwa inavyostahili.

Hata hivyo, amefahamishwa kuhusu watu binafsi wanaojaribu kudhoofisha jitihada zake kwa kuharibu kazi yake.

“Imenifikia kuwa kuna mtu anafanya kazi bila kuchoka kuona kazi yangu haipati mapokezi yanayostahili.

“Kuchezea miradi yangu hakutanifanya niache kuachia, hakutanifanya niache kuwa bora zaidi, hakutanifanya niache kupata mapenzi ambayo nimekuwa nayo siku zote kutoka kwa mashabiki wangu,” alionya.

Kulingana na baba wa mtoto mmoja, wasanii wa Kenya wanafaa kufanya kazi pamoja kusukuma muziki wa humu nchini ulimwenguni badala ya kujihusisha na hujuma.

“Inasikitisha sana wasanii wenzangu kwenye tasnia wanafanya kazi bila kuchoka kuwashusha wengine chini ili waweze kung’ara.

"Vita hivyo si dhidi yetu bali nje ya soko. Tunahitaji kufanya kazi pamoja na kuwasukuma Wakenya ulimwenguni," Bw seed alisema.