Mwanahabari wa lugha ya Kiswahili katika runinga ya Citizen, Lulu Hassan ambaye pia ni mmoja wa waongozaji katika simulizi ya Sultana inayopeperushwa kwenye runinga hiyo kila siku ya wiki amejitokeza na kunyoosha maelezo kuhusu shule 10 zilizodai kulaghaiwa na watu waliotumia majina ya waigizaji katika simulizi hiyo.
Katika taarifa yake ya Jumapili, Machi 26, 2023, Lulu Hassan alisema kuwa hakuna wakati ambapo kampuni ya utayarishaji Sultana, Jiffy Pictures, au Royal Media Services iliomba mtu yeyote pesa ili kushiriki katika programu za ushauri kwa wanafunzi kama inavyodaiwa kwenye bango aliloshiriki na kulipuuzilia mbali kuwa lilitoka kwa waigizaji wa simulizi hiyo.
“TAARIFA KWA UMMA!!!!!!! Tafadhali kumbuka kuwa #vicworldevents haina uhusiano wowote na #Jiffypictures Tunaomba shule ziepuke kushirikisha timu hii mahususi. Royal Media Services /Jiffypictures HAITAWAHI kuomba pesa za kuwashauri watoto!!!! Tahadhari!!!!!” alitahadharisha Lulu Hassan.
Katika bango la Vic World Events, waigizaji wa Sultana, Sultana (iliyochezwa na Mwanaasha Johari) na Babu (iliyochezwa na Lolani Kalu) walipangwa kuonekana kwenye Ukunda Kids Festival Jumapili, Machi 25 kuanzia 9am hadi 4pm. Shughuli nyingine za watoto pia ziliorodheshwa kwenye bango la tukio.
Hata hivyo, ni malalamiko ya mzazi aliyelalamikia kubanwa na waandaaji wa hafla hiyo ambayo yalimvutia Lulu na kumfanya akanushe tukio hilo.
“Huu ulikuwa uongo, waliziibia shule zaidi ya 10 za Diani na kukimbia na pesa hizo. Hawakujitokeza au kutumbuiza. Walidanganya watoto wetu wasio na hatia na wazazi ambao walifanya bidii kupata pesa. Haikuwa sawa hata kidogo," mlalamishi huyo ambaye jina lake lilibanwa alisema kwa uchungu, jambo ambalo lilimvutia Hassan kunyoosha maelezo.
