- Mnamo Februari, alifichua maelezo kuhusu kukutana na watu ambao walianza kumzomea baada ya kukutana kwenye kituo cha mafuta.
Mwanamuziki Willy Paul kupitia kwenye akaunti yake ya Instagram mnamo Agosti 18 kufichua kwamba alivamiwa na wahuni waliokuwa na silaha kwenye studio yake.
Katika maelezo yake, Willy Paul alidokeza vikali kuwa anafahamu utambulisho wa waliohusika na shambulizi hilo, ingawa alijiepusha kufichua jina mahususi la mtu huyo.
"Nashangaa kwa nini ungefanya hivyo, bosi kaa mbali na maisha yangu. Kutuma watu na bunduki kwenye studio yangu haitasaidia. Niache," Willy Paul aliandika.
Alifafanua zaidi kuwa tayari yuko hatua kumi mbele ya mtu aliyepanga shambulizi hilo.
Akimalizia kauli yake, alionya kwamba mtu huyo anapaswa kuonywa kimbele, kwa kuwa sura inaweza kudanganya na ingawa anaweza kuonekana mjinga, sivyo.
Willy Paul hapo awali alidai kwamba watu walikuwa wakilenga maisha yake.
Mnamo Februari, alifichua maelezo kuhusu kukutana na watu ambao walianza kumzomea baada ya kukutana kwenye kituo cha mafuta.
“Mmiliki wa hili gari alinikuta nilipoegesha gari langu kwenye kituo cha mafuta cha Rubis, wakatoa kamera na kuanza kurekodi wakinitukana bila sababu, waliniita majina yote kwa sababu walijua nipo hadharani, na mimi. singefanya chochote," Willy aliandika.
Katika taarifa yake ya Alhamisi asubuhi, mwimbaji huyo wa zamani wa nyimbo za injili alidai kuwa alisitisha kutoa nyimbo mpya ili kuwaonyesha watu jinsi tasnia ya muziki ya Kenya ilivyo duni bila yeye.
Pozze alidai kuwa wakati wa mapumziko yake ya kuachia muziki, wanamuziki wenzake wengi wamefanya nyimbo mpya lakini hawajawaridhisha mashabiki.
Pole sana familia, najua nimewavunja mioyo wengi wenu kwa kutotoa Muziki Mpya. Kwa kweli, nilifanya hayo yote kwa kusudi ili Kuwaonyesha Nyote Jinsi Tasnia Inavyo mbaya bila pembejeo langu. Wengine Watatofautiana Na Mimi Lakini Wengi Wataegemea Upande Wangu. Wanamuziki Wamejaribu Kutoa maudhui lakini Waaaaapppi??,” Willy Paul alisema kupitia Instagram.
Mwimbaji huyo wa kibao ‘Umeme’ hata hivyo alitangaza kuwa sasa atamaliza mapumziko yake na akaahidi kuachia wimbo mpya hivi karibuni.
“Nimefurahi Sasa Kila Mtu Anafahamu Kwamba Bila Pozze, Tasnia ya Kenya Imekufa! Somo limepatikana! Kwa Wote Mlioendelea Kunitumia Meseji Kuuliza Muziki Mpya, Say No more!,” alisema.