• Seneta huyo alisema haya akiwa katika ziara jijini Dubai katika uwanja wa ndege wa kimataifa wa Harmad.
Image: Instagram
Seneta maalum Karen Nyamu amewataka mashabiki wake kumsamehe.
Kupitia ukurasa wake wa Instagram siku mbili zilizopita, Nyamu ambaye amekuwa akigonga vichwa vya habari kisa mgogoro wa kimapenzi baina yake na mke wa msanii Samidoh, Edday Nderitu kuhusu mapenzi ya msanii huyo alikiri kwa mashabiki wake kwamba ana moyo laini japo pia ana mdomo mchafu.
Seneta huyo alisema haya akiwa katika ziara jijini Dubai katika uwanja wa ndege wa kimataifa wa Harmad.
Alipakia picha yake akiwa amesimama kwenye stairs na kukiri kwamba ana moyo laini lakini pia mdomo wake ni mchafu – labda kutokana na maneno ambayo hujatoa kwa kuwajibu watu mbali mbali bila kupepesa jicho.
“Ukiwa na moyo laini, lakini uwe na mdomo mchafu zaidi😄😄 Aki mnisamehe 🙏🏽😌” Nyamu aliandika.
Hata hivyo, mashabiki wake walimwambia kuwa hakuna haja ya kuwaomba msamaha kwa tabia yake wakisema kuwa wengi wao waliamua kumfuata na kumpenda jinsi alivyo.
Wengine walimwambia vimbwanga vyake vya kuwajibu shombo watu ndivyo vinawavutia kwake.
Haya hapa ni baadhi ya maoni ya mashabiki wake;
“Tunakupenda vivyo hivyo ❤️❤️🔥🔥🔥” Brandon Rugi alimwambia.
“Yaaaani wewe mkenya nakupendaga sana karbu Tanzania,” Kaiza Andrea aliwmabia.
“Kumbe ulienda kuwakilishs Harambee stars,” Nancy Kwamboka alisema.
Seneta Nyamu katika kipindi cha miaka kama mitatu iliyopita amekuwa akizungumziwa mitandaoni kuhusu mgogoro wa mapenzi unamhusisha na msanii Samidoh na mkewe wa kwanza Edday Nderitu.
Hata hivyo, Nderitu alionekana kukata tamaa na huba la Samidoh na kufunga virango kabla ya kutokomea zake Marekani.
Akiwa Marekani, aliweka wazi sababu zilizomfanya kuondoka katika ndoa aliyokuwa ameikuza kwa miaka 15, sababu kuu akiitaja kuwa ni wanawe ambao alilenga kuwalinda kisaikolojia kutokana na ukakasi unaoendelea baina yake ya Karen Nyamu.