Uhuru kenyatta
Rais Uhuru Kenyatta amekariri kujitolea kwake katika kuliunganisha taifa . Amesema juhudi zake zitamaliza ghasia za kila mara ambazo hushuhudiwa kila wakati wa uchaguzi mkuu ."Nchi ikiwa na amani na umoja mengi yanaweza kutendeka, sio kila saa ni siasa. Nawaomba wenzangu muambie wanasiasa wacheni tufanye kazi kwanza," Uhuru amesema.
Rais ameyasema hayo siku ya jumanne katika eneo la Salgaa,Nakuru wakati wa kufunguliwa kwa kiwanda cha kitaifa cha saruji . Amesema juhudi zake zinalenga kuhakikisha kwamba wakenya wanasalia na umoja na kusonga mbele pamoja .
"Tusiogope tukiwa pamoja. Ndio kitu muhimu kwa nchi hii ili iweze kusonga mbele. Na mimi sitatingizika.Hapo ndipo mimi nipo na nitasonga mbele na hiyo line," Rais amesema . Kenyatta amesema kiwanda hicho cha saruji kitachangia kuafikia malengo ya ajenda zake kuu nne kwa kuwapa wakenya ajira . Amesema serikali itazidi kushughulikia changamoto zinazowakabiliwa watengezaji bidhaa .