•Wakati mapigano yakiendelea, Waziri Mkuu wa Israel Benjamin Netanyahu alikataa tena kuundwa kwa taifa la Palestina.
•Israel ilianza mashambulizi yake kufuatia shambulizi la Oktoba 7 ambapo wapiganaji wa Hamas waliwauwa watu 1,300
Zaidi ya watu 25,000 sasa wameuawa huko Gaza wakati wa mashambulizi ya Israel , kulingana na wizara ya afya inayoendeshwa na Hamas.
Ilisema kumekuwa na vifo 178 katika saa 24 zilizopita, na kuifanya kuwa moja ya siku mbaya zaidi katika vita hadi sasa.
Wakati mapigano yakiendelea, Waziri Mkuu wa Israel Benjamin Netanyahu alikataa tena kuundwa kwa taifa la Palestina.
Ikulu ya White House imesema Marekani na Israel "zinaona mambo kwa njia tofauti" linapokuja suala la suluhu la serikali mbili.
Israel ilianza mashambulizi yake kufuatia shambulizi la Oktoba 7 ambapo wapiganaji wa Hamas waliwauwa watu 1,300 kusini mwa Israel na kuwateka zaidi ya 240 .
Katika akaunti yake ya kwanza ya hadhara ya shambulio la Oktoba, iliyochapishwa Jumapili, Hamas ilielezea kama "hatua ya lazima" dhidi ya uvamizi wa Israel katika maeneo ya Wapalestina na njia ya kuhakikisha kuachiliwa kwa wafungwa wa Kipalestina.
Operesheni ya anga na ardhini ya Israel kwa sasa inalenga kusini mwa Gaza, ambako wanajeshi wanashawishika kuwa makamanda wakuu wa Hamas wamejificha ndani, au chini ya mji wa Khan Younis.
Hapo ndipo Jeshi la Ulinzi la Israeli (IDF) lilisema limegundua handaki lingine, la urefu wa mita 830 (futi 2,700) na lilikuwa na mitego ya mabomu na milango ya milipuko.