Gavana mstaafu wa Migori Okoth Obado amejiunga rasmi na chama tawala cha United Democratic Alliance, akielezea jinsi alivyoteseka wakati wa kampeni za 2022.
Mwanasiasa huyo alisema Alhamisi kwamba alidhulumiwa na kuteswa kwa kumuunga mkono Rais William Ruto katika kura za mwisho.
Akizungumza katika hoteli ya Weston, Nairobi ambako alipokelewa katika UDA na Naibu Rais Rigathi Gachagua, Obado alisema alikataa kuwa sehemu ya mipango ya kisiasa iliyokuwa ikizuia urais wa Ruto.
''Ikiwa itabidi uhesabu wale ambao waliteseka kwa ushawishi wao tofauti wa kisiasa, basi nina uhakika mimi ni mmoja wao,'' gavana huyo wa zamani alisema.
Obado alisema anafuata kikamilifu maadili na falsafa ya UDA inayoongozwa na Rais.
''Mimi si mgeni katika muungano huu, mwaka wa 2022 nilikuwa sehemu ya timu iliyokuwa ikiratibu masuala yenu [UDA] katika eneo la Nyanza, nilikuwa nikifanya hivyo katika muungano wa Kenya Kwanza,'' alisema.
''Leo najiunga na Muungano wa Kidemokrasia. Ikiwa nyinyi ni watu wenye umoja basi mambo yatashinda, kutakuwa na utulivu.''
Obado alieleza kwamba wafuasi wengi wa Ruto kutoka Luo Nyanza walikwepa azma yake ya urais kwa sababu ya mateso ya kisiasa waliyokuwa wakipitia na serikali kuu.
''Ilikuwa vigumu kwako lakini ilikuwa vigumu kwangu vile vile, lakini nisingeingia katika mtego huo wa uhuni na vitisho,'' alisema.
''Lazima nimshukuru bwana Mwenyezi kwamba licha ya shinikizo zote hizo kutoka kwadeep state, Mungu aliona inafaa kukuweka wewe [Gachagua] na rais wetu mpendwa mamlakani.''
