- Akizungumza Jumanne, Muthama alisema si jambo la busara wakati mtu aliyeshindwa katika uchaguzi ndiye anayeitisha mazungumzo.
- Aliongeza kuwa yuko nyuma ya Rais William Ruto na naibu wake Rigathi Gachagua na kwamba hawafai kutishwa na Upinzani.
Aliyekuwa Seneta wa Machakos Johnson Muthama amesema Kenya Kwanza haifai kufanya mazungumzo na Azimio kwa sababu haina heshima.
Akizungumza Jumanne, Muthama alisema si jambo la busara wakati mtu aliyeshindwa katika uchaguzi ndiye anayeitisha mazungumzo.
Alitoa mfano wake akisema hakuna jinsi anaweza kuomba mazungumzo na Gavana wa Machakos Wavinya Ndeti ambaye alimpoteza katika kinyang'anyiro cha ugavana.
Muthama ambaye kwa sasa ni Kamishna katika Tume ya Huduma za Bunge anahoji mazungumzo hayo yana umuhimu gani wakati yana ajenda yao ya Kenya Kwanza kwa nchi.
Alisisitiza kwamba lengo lao liwe katika kutimiza kile walichoahidi kwa Wakenya.
“Kama mtu aliyepigia kampeni serikali hii, msimamo wa Muthama (wake) ni tuliomshinda Raila katika uchaguzi.
"Alitupeleka Mahakama ya Juu na ushindi wetu ukathibitishwa, sasa anamwomba Rais mazungumzo. Kwa nini tufanye mazungumzo haya bado tuna sera zetu za kutekeleza?" Alisema Muthama.
Aliongeza kuwa yuko nyuma ya Rais William Ruto na naibu wake Rigathi Gachagua na kwamba hawafai kutishwa na Upinzani.
We cannot dialogue with people who we defeated in the elections. They took us to the Supreme Court and our victory was upheld, now, why should we have these talks.
— Johnson Muthama (@nduyamuthama) August 23, 2023
We'd our policies which we sold to Kenyans *Bottom Up* and they had their own, now how will we dialogue with them? pic.twitter.com/xonsygPAh1
Huku Ruto akiunga mkono waziwazi mazungumzo hayo ya pande mbili, naibu wa rais Rigathi Gachagua amekuwa akiongea kuhusu kutopenda mazungumzo hayo ya pande mbili.
Anasisitiza kuwa ni kupoteza muda na rasilimali zinazoelekezwa kwenye mazungumzo hayo zinaweza kutumika kufanya mambo mazuri zaidi.