"Leo, kwa niaba ya taifa lenye shukrani, tunatoa shukrani zetu kubwa kwa mabunge yetu yote ya Kaunti kwa msaada wao mkubwa kwa Mpango huu muhimu. Kitendo chao cha ujasiri kinaweka msingi ambao Kenya itaendeleza usawa wa vizazi, kutambua usawa wa kijinsia, kuhakikisha fursa sawa kwa wote, na kumpa kila Mkenya kipande kikubwa cha ustawi wetu wa pamoja, "ilisema taarifa ya pamoja iliyosomwa na Gideon Moi.
Kufikia siku ya Alhamisi muswada huo ulikuwa umeidhinishwa na kaunti 42 kati ya 47 na mabunge mawili tu - Baringo na Nandi yaliopiga kura ya kupinga marekebisho hayo.
Vigogo hao wa kisiasa waliahidi kuanzisha zoezi la uhamasishaji wa umma kuhusu manufaa ya muswada huo na mchakati mzima wa BBI.
Viongozi wanaounha mkono mchakato wa BBI wamepanga kufanya mkutano wa pamoja wa mashauriano Machi 9, 2021, ikijumuisha wabunge na viongozi wa Kaunti.
“Kama vile Wawakilishi wetu wa Kaunti wameonyesha, sasa ni wakati wa Wakenya wote kuweka kando tofauti zao za vyama na kuja pamoja kujenga Kenya bora; kwa sisi wenyewe, watoto wetu, na kwa vizazi vya Wakenya ambao hawajazaliwa, ”ilihitimisha taarifa hiyo.
