Rais William Ruto amewasili Seoul, Korea Kusini, kwa mazungumzo ya pande mbili na mwenzake Rais Yoon Suk Yeol.
Kenya ina nia ya kupanua uhusiano wa kiuchumi na taifa la Asia Mashariki na kuchunguza maeneo ya ushirikiano, hasa katika ICT, elimu, dawa na miundombinu.
Rais Ruto ameratibiwa kuhudhuria kongamano la biashara ambapo atatangaza Kenya kama kivutio kinachofaa kwa wawekezaji wa kigeni.
Ziara hiyo pia inatarajiwa kufungua nafasi za kazi kwa vijana wenye ujuzi wa teknolojia katika nchi zote mbili.
Mkutano wa kwanza wa Rais Ruto siku ya Jumanne utakuwa na jamii ya Wakenya wanaoishi Korea Kusini.
Mkuu wa nchi yuko nchini Korea Kusini kwa ziara rasmi ya siku tatu kwa mwaliko wa Rais Yoon Suk Yeol.
