Mbunge wa Kitui Mashariki Nimrod Mbai ameachiliwa na polisi saa chache baada ya kukamatwa katika kituo cha polisi cha Kitengela.
Mbunge huyo alikamatwa na kupelekwa katika mahakama ya Kajiado lakini upande wa mashtaka ulikataa kukubali mashtaka na kutaka maelezo zaidi kutoka kwa mashahidi.
Mbunge huyo alirudishwa katika kituo cha polisi cha Kitengela ambako alinyang'anywa bunduki yake na baadaye kurekodi taarifa zaidi akiwa na wakili wake.
Polisi walimfahamisha kwamba baadaye atafunguliwa mashtaka ya shambulio.
Aliachiliwa kwa bondi ya polisi ya Sh50,000 akisubiri kufikishwa mahakamani Julai 11 huko Kajiado.
Mbai ni mmiliki wa silaha aliyeidhinishwa.
Yeye pia ni afisa wa zamani wa polisi. Aliwahi kufanya kazi kama mlinzi wa Waziri wa Masuala ya Kigeni Alfred Mutua alipokuwa msemaji wa serikali.
Mbai alijiuzulu kutoka kwa polisi na kujiunga na siasa. Polisi walimwambia yuko chini ya uchunguzi kwa sasa hivyo hatua yao ya kumpokonya bunduki yake.
Alikuwa Jumatatu tarehe 3 Julai 2023, alinaswa kwenye kamera akimzaba kofi mhandisi wa Kenya Power.
