- Rais Tshisekedi alipata takriban 72% ya kura wakati wa uchaguzi uliofanyika tarehe 20 Desemba 2023.
Rais Mstaafu Uhuru Kenyatta amempongeza Felix Tshisekedi kufuatia kuchaguliwa tena kuwa rais wa Jamhuri ya Kidemokrasia ya Kongo (DRC).
Katika taarifa yake iliyoshirikiwa katika ukurasa rasmi wa Ofisi ya Rais wa Nne wa Kenya, Uhuru alimtaka Tshisekedi kufanya kazi kwa ajili ya amani na umoja DRC.
"Rais (Rtd) Uhuru Kenyatta ametuma salamu za pongezi kwa MHE Rais HE Felix Tshisekedi wa Jamhuri ya Kidemokrasia ya Kongo kwa kuchaguliwa tena kuwa Rais wa Jamhuri ya Kidemokrasia ya Kongo,” taarifa hiyo inasomeka kwa sehemu.
"Amani na umoja ndio msingi wa nchi yenye ustawi" Uhuru alisema kulingana na taarifa hiyo.
Rais Tshisekedi alipata takriban 72% ya kura wakati wa uchaguzi uliofanyika tarehe 20 Desemba 2023.
Shirika la habari la Reuters linaripoti kuwa wanachama wa upinzani nchini DRC wanataka kurudiwa kwa uchaguzi huo wenye utata, huku ujumbe mkuu wa waangalizi ukiripoti "kasoro nyingi" ambazo zinaweza kudhoofisha baadhi ya matokeo.
Tshisekedi, 60, amekuwa madarakani tangu Januari 2019 na anagombea muhula wa pili wa miaka mitano.
Moise Katumbi, gavana wa zamani wa jimbo la Katanga, ni wa pili kwa asilimia 18.9.
Rais Tshisekedi alikabiliana na wagombea 18 alipokuwa akiwania muhula wa pili.
Takriban watu milioni 44 walistahili kupiga kura zao, kufuatia kampeni iliyotawaliwa na mzozo unaozidi kuwa mbaya katika eneo la mashariki lenye utajiri wa madini.
Siku ya Alhamisi, Polisi katika Jamhuri ya Kidemokrasia ya Kongo walikabiliana na wafuasi wa upinzani wakitaka uchaguzi wa urais ubatilishwe.