Waziri wa Elimu Ezekiel Machogu amejitokeza kuzungumza baada ya mjadala kwenye mitandao ya kijamii kuhusu picha ya mtandaoni ya mwanafunzi akiwa amemshikia mwavuli.
Waziri huyo alisema mwanafunzi huyo alitaka kumkaribia na si yeye aliyemwomba kushikilia mwavuli.
"Nilienda mahali fulani na mwanafunzi alitaka kupata kusikizwa na waziri. Mwanafunzi huyo alitaka karo ya shule, sare na hata viatu," alisema.
"Yule mtoto mdogo alisisitiza kusimama kando yangu akiwa na mwavuli. Anatoka katika mazingira ambayo mimi na wewe hatutoki.”
Waziri huyo alisema vyombo vya habari na Wakenya kwenye mitandao ya kijamii walielewa vibaya hali hiyo.
Machogu, hata hivyo, alisema aliweza kushauriana na mwanafunzi huyo mdogo na kumsaidia katika ombi lake
Bosi huyo wa Elimu alisema huwa anakutana na watoto wenye uhitaji ambao wanataka kuwa karibu naye kama fursa ya kueleza mashida zao.
Machogu alisema hakuwa peke yake kwani baadhi ya wanafunzi pia walitafuta usaidizi wa Katibu Mkuu wa Elimu ya Msingi Belio Kipsang.
Machogu alizungumza Jumatano alipoongoza hafla ya kukabidhiwa ufadhili wa masomo 1,000 na Wakfu wa KCB jijini Nairobi.
Haya yanajiri siku moja baada ya Machogu kujiunga na udugu wa Kaunti ya Murang'a wakati wa hafla ya kuwakabidhi watoto Bursary ya Murang'a iliyoandaliwa katika uwanja wa Mumbi.
Alipokuwa akizungumza wakati wa hafla hiyo huko Murang'a, mwanafunzi huyo mdogo alifika karibu na CS na kumshikia mwavuli.
Baadhi ya Wakenya hawakufurahishwa na picha hiyo iliyosambazwa sana kwenye mitandao ya kijamii.
"Hii ni nini sasa hakika!" Jeff Jeffa alisema kwenye X.
Mwanasiasa Alinur Mohamed alisema Waziri huyo anafaa kuomba msamaha kwa umma kwa kile alichokitaja kama udhalilishaji kwa mvulana huyo.
"Kwa nini Waziri wa Elimu Prof Ezekiel Machogu aagize mtoto amshikie mwavuli, na mvua hainyeshi, na hakuna jua? Hii ni makosa," Mohamed alisema.
