• Kura za maoni zinaonyesha kuwa wagombea hao wawili wako kwenye kinyang'anyiro kigumu sana ikiwa imesalia miezi miwili tu kabla ya uchaguzi.
Donald Trump amefutilia mbali mjadala mwingine wa urais dhidi ya mpinzani wake Kamala Harris kabla ya uchaguzi wa Novemba.
Alisema siku ya Alhamisi - siku mbili baada ya pambano la kwanza la wagombeaji hao huko Philadelphia - kwamba Harris alitaka tu marudiano ya mdahalo huo kwa sababu (Trump) "alishinda" wazi.
Kura nyingi za maoni za papo hapo zilizochukuliwa baada ya mjadala wa Jumanne zilionyesha wapiga kura walihisi kuwa Harris alikuwa amefanya vyema zaidi kuliko mpinzani wake wa Republican.
Trump aliongeza kuwa Harris badala yake anapaswa "kuzingatia" kazi yake kama makamu wa rais.
Muda mfupi baadaye, katika mkutano wa kampeni huko North Carolina, Harris alijibu kwa kusema "wanadaiwa" na wapiga kura mjadala mwingine kwa sababu "wanachopigania ni muhimu zaidi".
Kura za maoni zinaonyesha kuwa wagombea hao wawili wako kwenye kinyang'anyiro kigumu sana ikiwa imesalia miezi miwili tu kabla ya uchaguzi.
Wote wawili walidai ushindi baada ya mjadala wa Jumanne wa dakika 90 kwenye ABC News, ambapo Harris alimkemea Trump kwa msururu wa mashambulizi ya kibinafsi ambayo yalimfanya kujitetea.
Haya yalijumuisha maoni kuhusu ukubwa wa umati wake wa hadhara na mwenendo wake wakati wa ghasia za tarehe 6 Januari 2021 katika bunge la Marekani.
Trump na wafuasi wake tangu wakati huo wamewashutumu wanahabari wawili wa ABC ambao walisimamia mjadala huo kwa kutokuwa na haki na upendeleo kwa kumpendelea Harris.
Alisema siku ya Alhamisi kwamba hakuhitaji mjadala mwingine.
"Mshindi anaposhindwa katika pambano, maneno ya kwanza kutoka kinywani mwake ni 'Nataka mechi ya marudiano'," Trump aliandika kwenye chapisho refu la Truth Social siku ya Alhamisi.
"Kura za maoni zinaonyesha wazi kwamba nilishinda mdahalo dhidi ya Kamala Harris, mgombeaji wa chama cha Democratic mwenye itikadi kali...na mara moja akaitisha mjadala wa pili," aliongeza.