Kocha wa Everton atimuliwa baada ya kushindwa na West Ham

Klabu ya Everton imemfuta kazi meneja Frank Lampard baada ya kuifunza kwa muda wa chini ya mwaka mmoja huko Goodison Park.

Kichapo dhidi ya vinara wenzao West Ham United Jumamosi kilikuwa kipigo cha tisa kwa Everton katika mechi 12 za Premier League.

Wako nafasi ya pili kutoka mkiani wakiwa na pointi 15 katika mechi 20, juu ya Southampton kwa tofauti ya mabao.

Kiungo wa kati wa zamani wa Uingereza Lampard, 44, alichukua nafasi ya Rafael Benitez mnamo Januari 2022 na timu ya 16 kwenye jedwali na kusaidia Everton kuepuka kushushwa daraja.

Everton sasa wanatafuta meneja wao wa sita wa kudumu katika kipindi cha miaka mitano.

Baada ya sare ya 1-1 na mabingwa watetezi Manchester City tarehe 31 Disemba, Everton walifungwa 4-1 na Brighton katika uwanja wa Goodison Park, wakatupwa nje ya Kombe la FA kwa kuchapwa mabao 3-1 na Manchester United na kisha kufungwa na Southampton licha ya kwamba. kuongoza, kabla ya kushindwa kwa hivi punde na West Ham.

Wamefanikiwa kushinda mara tatu pekee msimu mzima.

Kumekuwa na maandamano makubwa na ya sauti kutoka kwa mashabiki dhidi ya bodi katika michezo ya hivi majuzi, na wafuasi walifanya maandamano ya kukaa ndani baada ya kushindwa na Southampton.

Bodi ya wakurugenzi ya Everton ilikosa mchezo huo kwa sababu ya kile klabu ilidai kuwa "tishio la kweli na la kuaminika kwa usalama wao".

Polisi wa Merseyside walisema hakuna vitisho au matukio yoyote yaliyoripotiwa kwa maafisa kabla ya mechi kabla ya Everton kutangaza"taratibu zilizoimarishwa za usalama" zitawekwa.