Watu 2 zaidi waaga dunia kwa ajili ya COVID 19 matukio yote ya leo kuhusu Coronavirus kwa ufupi

  • Watu 2 zaidi wameaga dunia  kwa ajili ya virusi vya Corona na kufikisha 3 idadi ya walioga dunia hadi kufikia sasa
  • Idadi ya watu walio na virusi vya Corona nchini sasa ni 110 baada ya watu 29 zaidi kupatikana na virusi hivyo .
  • Naibu Gavana wa Kilifi Gideon Saburi ni miongoni mwa waliopona virusi vya Corona
  • Watu 4 wamepona virusi vya Corona nchini hadi kufikia sasa
  • Serikali yawashauri wakenya hasa kutoka maeneo ya Miji kutosafiri kwenda  maeneo ya mashambani
  • Waziri wa Afya Mutahi Kagwe  awashauri Wakenya kujitayarisha kwa ongezeko la idadi ya walioambukizwa virusi vya Corona
  • Madereva wa Tuk tuk,Matatu ,abiria  washauriwa kuvalia  Barakoa(Face masks)

 

Idadi ya watu walioathirika nchini na virusi vya Corona yafikia watu 110

kagwe

Waziri wa Afya Mutahi Kagwe

Covid 19 Survivors: Wafahamu Baadhi ya watu waliopona Virusi vya Corona

Virusi vya Corona vimesababisha  msukosuko mkubwa kote duniani huku nyanja zote zikiathiriwa na kila  upeo wa maisha ya  binadamu ukitikiswa. Licha ya maafa ya watu  zaidi ya  48,000 kote duniani ,  zaidi ta watu laki mbili wamepona ugonjwa huo . Hii hapa orodha  ya watu unaowajua ambao wamepona virusi vya Corona

Masaibu ya Corona! Mfalme wa Thailand ajifungia kwenye karantini na wanawake 20

BRENDA AND BRIAN

 Brenda Cherotich na  Brian

Brenda Cherotich na Brian  ni miongoni mwa watu  watatu nchini Kenya ambao wamepona virusi vya Corona .Wawili hao siku ya  Jumatano walizungumza na rais Uhuru Kenyatta kupitia njia ya video na kulitangazia taifa jinsi walivyojipata na virusi hivyo na muda wao katika karantini. Brenda alieleza jinsi ugonjwa huo unavyoweza kukabiliwa na kuwahimiza wakenya walio na daalili za virusi vya Corona kuwa na ujasiri wa kujitokeza mapema ili kupata usaidizi wa matibabu .

MWANA FA

Mwana FA

Mwanamuziki huyo wa  bongo aliwashangaza  mashabiki wake kwa kutangaza kupitia instagram kwamba alikuwa amepatikana na virusi vya Corona . Alijitega katika karanti kwa muda alioshauriwa na madaktari na baadaye akatangaza kupona . Waziri wa Afya wa Tanzania Ummy Mwalimu  alithibitisha kwamba Mwana FA ndiye aliyekuwa mgonjwa wa kwanza nchini humo kupona virusi vya COVID 19 .

‘Tutakutana tena’ Kipusa Mjane amkumbuka mume wake Bilionea Reginald Mengi

 

salaaam sk

 Salaam SK

Maneja huyo  wa msanii wa Bongo Diamond Platinumz  alikuwa  miongoni mwa watu mashuhuri waliopatikana na virusi vya Covid 19 . Tangazo kwamba Salaam  alikuwa na virusi  hivyo lilimpelekea Diamond pia kuingia karantini  ili kujitenga na uwezekano wa kuambukizwa. Baadaye hata hivyo Salaama aliibuka na habari njema kwamba ameweza kupona virusi vya Corona .

 

Masaibu ya Corona! Mfalme wa Thailand ajifungia kwenye karantini na wanawake 20

Mfalme wa Thailand Maha Vajiralongkorn,  aka  Rama X ameripotiwa kujifungia kwenye karantini na wanawake 20  umbali wa kilomita zaidi ya elfu nane kutoka nyumbani.

Taifa hilo limesajili visa 1,651 huku visa 17 vikisajiliwa Jumanne pekee  na watu 10 wakiaga dunia kwa ajili ya coronavirus. Kiongozi huyo mzushi  amekuwa akijitenga katika hoteli moja ya kifahari  katika mji wa  Garmisch-Partenkirchen  na ujumbe wake, jarida la The Independent  limeripoti.

Coronavirus : yote Unayofaa kujua leo kuhusu maambukizi ya virusi vya Corona

Mfalme huyo pamoja na msafara wake wamechukua  hoteli nzima  ya Grand Hotel Sonnenbichl  baada ya hoteli hiyo kupata idhini ya kuruhusu msafara wake. Miongoni mwa walioandamana naye ni  wanawake 20 wa kumpa raha zake  na wafanyikazi kadhaa.

‘Coronavirus inaweza kutibiwa ‘: Mgonjwa wa kwanza wa Kenya Brenda azungumza

Gazeti la ujerumani  Bild, limesema hadi sasa haijafahamika  iwapo wake zake wanne pia wapo katika hoteli hiyo.

 

MHARIRI: DAVIS OJIAMBO

 

‘Patient One’: Tazama picha za mgonjwa wa kwanza Coronavirus Kenya ambaye sasa amepona

Mwanadada wa Kenya Ivy Brenda Cherotich ndiye aliyekuwa mgonjwa wa kwanza wa virusi vya Corona nchini.

Leo Brenda, na mgonjwa mwingine Brian wamezungumza na rais Uhuru kenyatta kupitia njia ya Video na kuwapa wakenya matumaini kwamba wagonjwa wa coronavirus wanaweza kupona.

‘Coronavirus inaweza kutibiwa ‘: Mgonjwa wa kwanza wa Kenya Brenda azungumza

Hizi hapa baadhi ya picha za Brenda kabla hajapatikana katika lindi hili la coronavirus .

brenda

‘Madaktari walichukulia kisa changu kwa uzito uliosatahili  na wakanipa  barakoa. Nimekuwa katika karantini kwa siku 23 ,na nilitunzwa vyema’.

I’m Negative,’ Meneja wa Diamond afichua hana corona

brenda 3

 

Brenda  amewahimiza  wakenya  kuwajibika na  kuripoti kwa mamlaka pindi wanapopata daalili za virusi vya Corona .

 

brenda 2

 

Anasema wauguzi wakati mwingine walikuwa chini ya shinikizo na walikuwa wakimuita ‘mgonjwa wa kwanza’.

Brenda 1

Rais Kenyatta azungumza na watu 2 waliopona virusi vya Corona

‘Nilipowasili Kenya  nilikuwa na kikohozi kwa siku tatu, niliendelea kutathmini hali yangu na baadaye nikaamua kwenda hospitali ya Mbaghathi siku ifuatayo’ amesema Brenda.

 

brenda 4

Brenda aliwahimiza wakenya  kuwajibika na  kuripoti kwa maamlaka pindi wanapopata dalili za virusi vya Corona.

 

MHARIRI: DAVIS OJIAMBO

‘Coronavirus inaweza kutibiwa ‘: Mgonjwa wa kwanza wa Kenya Brenda azungumza

Ugonjwa huu unaweza kutibiwa, mgonjwa wa kwanza wa coronavirus nchini, Brenda Cherotich  amesema.

brenda

Mwanadada huyo aliyetambuliwa kama Brenda  alizungumza  wakati yeye na mgonjwa mwingine kwa jina  Brian walipozungumza na rais Uhuru Kenyatta kupitia njia ya Video.  Wagonjwa hao wawili waliopona walikuwa wameandamana na waziri wa afya Mutahi  Kagwe katika jumba la  Afya. Brenda aliwahimiza wakenya  kuwajibika na  kuripoti kwa maamlaka pindi wanapopata daalili za virusi vya Corona .

Oh No!Covid-19: Watu 5 wa kwaya maarufu ya Uganda Watoto Children’s choir wapatikana na virusi vya Corona

brenda 2

” Wasiliana na maamlaka na ujitokeze  mnapema, nilisafiri kwenda Marekani mwezi Disemba na kuchukua ndege nyingine hadi London, nashuku ni wakati huo nilipopata virusi hivyo’ amesema .

Brenda  amesema akiwa Marekani alifahamu kwamba kulikuwa na kituo cha kuwatenga wagonjwa katika hospitali ya Mbagathi .

‘ Nilipowasili Kenya  nilikuwa na kikohozi kwa siku tatu, niliendelea kutathmini hali yangu na baadaye nikaamua kwenda hospitali ya Mbagathi siku ifuatayo’ amesema Brenda .

brenda 3

Rotimi Asema alikuwa tayari kiakili kuwa katika uhusiano na Vanessa Mdee

” Madaktari walichukulia kisa changu kwa uzito uliostahili  na wakanipa  barakoa. Nimekuwa katika karantini kwa siku 23, na nilitunzwa vyema’.

Anasema wauguzi wakati mwingine walikuwa chini ya shinikizo na walikuwa wakimuita ‘mgonjwa wa kwanza’.

Alipokuja Kenya, alitangamana na rafiki  yake Brian .

” Nilipata virusi hivyo kutoka kwa Brenda . Pindi matokeo yake yaliporejea na kuonyesha kwamba alikuwa mgonjwa , nilijua pia mimi ninao. Naishukuru serikali kwa kuja kunichukua na kunipeleka kwa  kituo cha afya cha umm ambako nimetibiwa kwa wiki mbili’ Brian amesema

Wakati wa mazungumzo na  wawili hao, rais Uhuru aliwasifu Brenda na Brian kwa ukakamavu wao.

brenda 4

” Tufuatane mfano wa Brenda na Brian. Tunaweza kuthibiti virusi hivi. Kwa wote walio na dalili hizi waripoti mara moja kwa maamlaka husika, tujitambue mapema ili  tupewe matibabu …’ rais Uhuru amesema

Rotimi Asema alikuwa tayari kiakili kuwa katika uhusiano na Vanessa Mdee

Uhuru amesema pindi wawili hao watakapomaliziwa na madaktari, angependa kukutana nao ana kwa ana katika Ikulu. Kenya iliripoti kisa cha kwanza na virusi vya Corona Machi tarehe 13 . Taifa kwa sasa lina visa 59  vya walioathiriwa na coronavirus na kifo  cha mtu mmoja aliyeaga dunia kwa ajili ya virusi hivyo.

 

Corona Movies/Series: Filamu zenye maudhui yanayofanana na zimwi la Coronavirus unazoweza kutazama (Part 1)

Muda huu ambao watu wametakiwa kuwa nyumbani   ili kuzuia kuambukizwa au kusambaza virusi vya Corona ,watu wengi wana muda wa kutosha kufanya shughuli zote na kusalia na muda wa ziada unaoweza kutumiwa kujipa angalau burudani .

helix 3

Toto Saafi! Angalia Kipusa aliyewahi kuwa mpenzi wa Diamond, Mrembo kuruka!

Kutazama Runinga na vipindi vya kwaida kunaweza kuchosha lakini filamu  za msururu na  baadhi ya filamu kubwa tajika zinaweza kukusadia kupoteza muda na usijue hata giza limeingia vipi haraka . Kwa sababu ulimwengu kwa sasa unakabiliana na virusi vya Corona ,sehemu ya kwanza tazama filamu hizi ambazo zinahusiana na milipuko ya maradhi.Baadhi yazo zitakufanya ufikiri walioziunda walijua virusi vya Corona vitakuja kuangamiza ulimwengu wakati mmoja .

 Contagion

  1. Contagion (2011)

Iwapo  wewe ni mpenda filamu ,Contagion sio  movie ngeni kwako na  tangu kuchipuka kwa virusi vya corona ,watu wengi wamekuwa wakiitafuta filamu hii ili kuitazama tena kwa sababu maudhui yake ni kama zimwi la corona linaloangamiza ulimwengu wa sasa . Filamu hii ya mwaka wa 2011 inawashirikisha wazito katika uigizaji Matt Damon na Jude Law  na inasimulia jinsi watalaam wa afya ,serikali za mataifa ,maafisa wa  serikali  na watu wa kawaida wanapojipata pabaya katikati ya mlipuko wa maradhi yasiojulikana huku shirika la CDC likitafuta tiba . Hakuna filamu inayozungumzia mlipuko wa maradhi ambayo inafaanisha taswira yake kama hali ambayo ulimwengu upo sasa . Filamu hiyo ya muda wa saa moja na dakika 46 ,itakupa  mtazamo wa hofu na hali ilivyo kote duniani kwa ajili ya janga la sasa la corona .

Covid-19: Msadieni huyu dada! Kisa cha kuhuzunisha cha msichana mwenye akili taahira aliyetelekezwa KMTC

Kingdom

  1. Kingdom Season 1&2(2019)

Filamu hii ya msururu  ya Korea kusini imetazamwa sana wakati wa janga hili la virusi vya corona hasa barani Asia .  Series hiyo yenye  Sehemu mbili na jumla ya episodes 12  inasimulia  mchipuko wa maradhi yasiojulikana katika ufalme ambao  kiongozi wake anaugua na mwanamfalme  ndiye  pekee mwenye uwezo wa kuwaokoa watu katika Ufalme huo . Baadaye mfalme anapoaga dunia ,anafufuka  kisha ugonjwa usiojuliakana unaanza kuwaangamiza watu .Mwanamfalme anasalia na kazi ngumu na kibarua kikubwa cha kukabiliana na adui mpya  ili kuwaokoa watu wengi . Netflix tayari imethibitisha kwamba  Sehemu ya Tatu ya Kingdom itatolewa ingawa haijajulikana itakuwa tayari lini .

 

Containment

 3.Containment Season 1 (2016)

 Series hii ya mwaka wa 2016 ilitolewa sehemu moja pekee   lakini utajipata na kasi ya moyo kujaribu kujifikiria kujipata katika hali ya waathiriwa ndani ya maigizo haya. Mtunzi wa series hii Julie Plec  anasimulia jinsi maradhi yasiojulikana yanavyozuk Atlanta  ,Amerika  na kulazimisha Jiji zima kubwa kuwekwa chini ya Lockdown na kuwaacha waliomo ndani kupigaia maisha yao . Hakuna kinachotisha kama kufikiria kuhusu kuachwa katika sehemu moja na watu walioambukizwa maradhi yasiojulikana waliwageukiwa wale ambao hawajaambukizwa ili kuwaangamiza.Iwapo  unahofu ya kupata ndoto za kuogofya au jinamizi ,basi epuka kuitazama hii . Msururu mzima una episodes 13

 

Outbreak

4.Outbreak 1995

 Outbreak  ni filamu ya  muda wa saa 2 na dakika 7 inayosimulia jinsi ugonjwa unaosambazwa hewani   unavyolipuka Marekani na kuwaangamiza watu .  kazi ya afisa wa Jeshi  kanali Sam Daniels ni kuzuia kusambaa kwa virusi hivyo  katika mji mmoja mdogo  ambao unafaaa kutengwa na  maeneo mengine . Daniels pia amepewa jukumu la kuhakikisha kwa ikulu ya Whitehouse haichukua hatua ‘kali’ kwa sababu ya hofu ili kuwaangamiza wote wanaoishi katika mji huo mdogo.Sounds familiar?

 Wakati  virusi hivyo vinapoendelea kusababisha maafa na mahangaiko  katika mji huo wa Carlifornia , madaktari wa kijeshi wanapambana kutafuta  dawa . Katika  Outbreak  inadaiwa virusi hivyo vilitoka kwa nyani mmoja aliyeingizwa Amerika kutoka Afrika.Laiti wangelisema China ..

‘Alinipiga matiti pasi ndio wanaume wasiniangalie’ Asimulia ‘utamaduni’ wa Cameroun aliofanyiwa na shangazi yake

 

Cordon

5.Cordon (2014)

 Series hii yenye sehemu mbili  iliandikwa na  Carl Joos, kuelekezwa na  Tim Mielants  na kutayarishwa na  Eyeworks. Inazungumzia mlipuko wa virusi katika jiji la Antwerp na hatua ya serikali kuamua kuwafungia watu walioambukizwa katika sehemu moja kutumia ukuta mkubwa .

 Series hii ilipeperushwa Uingereza  katik BBC Four  mwaka wa 2015 ,na hakuna aliyejua kwamba miaka mitano baadaye ,mlipuko wa virusi kama hivi utazifanya nchi kama Italia kutamani kujenga ukuta kuwazuia walioambukizwa wasitangamane na wasio na virusi  vya corona . Series ya Containment  Ilitayarishwa kutoka muigo wa  Cordon kwa ajili ya  Kituo cha CW  Network na kupeperushwa Marekani mwaka wa 2016.

helix 2

Kazi ni kazi! Kutana na makahaba wajasiri wanaotengeza pesa mitandaoni(Picha)

 6.Helix (2014/2015)

 Helix iliyotayarishwa mwaka wa 2014 na 2015 ,inawaangazia watafiti wanaofika eneo la Arctic ili kuchunguza chimbuko  la viruysi hatari  ambavyo vimelipuka katika kituo cha kimataifa cha utafiti katika eneo hilo lililo mbali na binadamu . Helix ina seasons Mbili na  jumla ya episodes  26 zitakazokuweka katika kila taswira ya jinsi mambo yanavyoweza kubadilika na kuwa mabaya wakati huu tunapoendelea kupambana na virusi vya Corona . Watafiti wanaotegemewa kutafuta tiba ,wanajipata katika hali mbaya wakati baadhi yao wanapoambukizwa virusi hivyo hatari . Helix ,itakupa hofu kisha ukirejeshee matumaini  na ikupe  fikra ya kinachoweza kuwa mwisho wa  ulimwengu .

 Utafiti,Tathmini na Uandishi   umefanywa na Yusuf Juma ,kutegemea kumbi za filamu mtandaoni na usaidizi wa maelezo ya ziada  na MJ Mohammed.Haki  miliki za picha zilizotumiwa  ni za wenye filamu.

 

 

Rais wa zamani wa Congo Yhombi-Opango afariki baada ya kuambukizwa virusi vya Covid-19

Rais wa zamani wa   Jamhuri ya Congo Jacques Joaquim Yhombi-Opango,  amefariki jijini Paris   baada ya kupatikana na virusi vya Corona .

Alikuwa na umri wa miaka 81. Familia yake imesema alikuwa  akiugua hata kabla ya kupatikana na virusi vya corona .

Yhombi-Opango  aliongoza  Congo-Brazzaville  kutoka mwaka wa 1977 hadi mwaka wa 1979 alipoondolewa madarakani  na rais wa sasa wa taifa hilo   Denis Sassou Nguesso.  Aliwekwa jela kwa miaka kadhaa kabla ya  kuanzishwa kwa siasa za vyama vingi mwaka wa 1991 alipohudumu kama waziri mkuu kisha baadaye vita vya wenyewe kwa wenyewe vikazuka mwaka wa 1997. Alikimbilia mafichoni nchini Ufaransa  kabla ya kuruhusiwa kurejea nyumbani miaka 10 baadaye .

 

 

Mkenya mwingine afariki kutokana na COVID-19 ng’ambo

 

Mgonjwa wa pili, ambaye ni Mkenya ameaga dunia kutokana na ugonjwa wa Coronavirus huko Massachusetts , nchini Marekani.

Familia yake inasema alikuwa akipokea matibabu ya ugonjwa tofauti aliokuwa akiuguza alipofariki kutokana na virusi hivyo Jumatano juma lililopita.

Mwili wake utateketezwa jumatano wiki ijayo.

Hayo yakijiri mamlaka ya kutathmini utendakazi wa polisi IPOA itaanzisha uchunguzi wa madai ya matumizi ya nguvu kupita kiasi katika kuhakikisha watu wanazingatia marufuku iliyowekwa na serikali ya kutotoka nje kati ya saa moja usiku na saa kumi na moja asubuhi.

Mwenyekiti Anne Makori anasema polisi hao wanastahili kufuata sheria hata wanapotekeleza maagizo ya serikali.
Kwingineko, wakaazi wa Nairobi wanaoishi katika mitaa ya mabanda  watapokea maji bila malipo.

Mkurugenzi mkuu wa jiji Jenerali Mohammed Badi anasema hii itaisaidia serikali kwa juhudi zake za kukabiliana na maambukizi ya Coronavirus.

Habari za Hivi Punde :Mkenya wa kwanza aaga dunia kwa ajili ya Coronavirus

Kenya imesajili kifo cha kwanza kutokana na virusi vya Corona. Kulingana  na taarifa iliyotiwa saini ya waziri wa Afya Mutahi Kagwe mwanamume mmoja raia wa Kenya mwenye umri wa  miaka 66 ameaga dunia kwa ajili ya virusi hivyo.

corona

Mwanamume huyo  aliyekuwa na ugonjwa wa kisukari pia alikuwa amelazwa katika kitengo cha wagonjwa mahututi (ICU) cha Hospitali ya Aga khan  na alifariki alhamisi alasiri.

Taarifa kutoka kwa wizara ya Afya imesema alikuwa akiugua kisukari na aliwasili nchini tarehe 13 Machi kutoka  Afrika  Kusini kupitia  Swaziland.

Wakati  huo huo kenya imeripoti visa 3 zaidi vya ugonjwa huo nchini na kufikisha 31  watu walioambukizwa Corona hadi kufikia leo.

Wizara ya afya kupitia kwa afisa mkuu msimamizi Mercy Mwangangi  ilithibitisha kuwa taifa la Kenya limesajili visa vitatu zaidi vya Coronavirus na kufanya idadi ya watu walioathirika na virusi hivyo kufikia watu 31.

mwangangi

Wizara hiyo pia ilisema  watu 906 wanaosemekana kukaribiana na waathiriwa wa virusi hivyo  wanasakwa na serikali huku 123 wakiwa wameruhusiwa kutoka hospitalini baada ya kufanyiwa vipimo.

Watu 18 nao wamelazwa katika hospitali ya Mbagathi wakisubiri kufanyiwa vipimo na madaktari.

Kaunti ambazo zimeripoti visa hivyo  vya Corona kulingana na wizara hiyo ni; Nairobi, Kilifi, Kwale, Mombasa na Kajiado.

Watatu hao waliopatikana na virusi hivyo wote ni wakenya wawili kutoka kaunti ya Kilifi na mmoja kutoka kaunti ya Nairobi.

mutahi

Watu zaidi ya 2000 waliofika nchini Jumatatu wameambiwa wajitenga ili kuzuiya kusambaa kwa virusi hivyo kwa watu wengine.

 

Mhariri: Davis Ojiambo