Msanii kutoka Tanzania Zuchu alijipata kwenye mahojiano moto aliyotakiwa kueleza mashabiki wake kama ni kweli anachumbiana na bosi wake Diamond Platnumz.
Akiwa katika kituo kimoja cha habari, Zuchu alitakiwa kuelezea ukaribu wake na bosi wake, Diamond. Maneno ambayo yalimfanya aonekane kama kashikwa na kigugumizi ila mwishowe akajibu kwa kusema anayepaswa kuulizwa swali hilo ni bosi wake.
Aliongeza kwa kuimba wimbo uliokuwa ukiomba mpenzi wake huyo aweke mambo wazi ili mahasidi wakose la kuongea.
"Ukitaka uniweze fanya wazi wakuone, mahasidi wanyamaze wasiseme wala wanong'one, hunny wangu jamani fanya hima wakuone,"aliimba Zuchu.
Zuchu alijiunga na Wasafi mwaka 2020 ambapo amekuwa akitoa nyimbo sifika, baadhi ya nyimbo zake zinazopendwa sana na mashabiki wake ni; Sukari, nyumba ndogo, cheche na ya hivi karibuni mwambieni.
Ilikuwa imesubiriwa kwa hamu na ghamu kuwa mwanamuziki huyo angeweka mambo wazi kuhusu mahusiano baina yake na Diamond ila alikwepa kulizungumzia swala hilo.
Kinachobuliwa sasa ni tarehe 14 ambapo ametaja kuwa siku muhimu kwake ambapo atakuwa anatambulisha mpenzi hadharani.
