Mwigizaji na muunda maudhui maarufu Nicki Bigfish, amelazwa hospitalini baada ya kukumbwa na shinikizo la damu mwilini.
Bigfish alichapisha kwenye ukurasa wake wa Insta kuwajulisha mashabiki wake kuhusu hali yake baada ya kuwajulisha kuhusu kulazwa kwa babake.
Katika chapisho lake, Fisher alishiriki picha akiwa katika kitanda chake cha hospitali na maelezo yaliyoeleza hali yake.
"Pia nimeambiwa kuwa shinikizo la damu limepanda,"alisema.
Siku chache kabla ya kulazwa hospitalini, mwigizaji huyo alitumia mtandao wake wa kijamii na kufichua kuwa babake alikuwa akiugua uvimbe kichwani. Aliwashukuru wale waliokuwa wamesimama naye huku akiomba msaada wa kifedha kufadhili matibabu ya babake.
Kama kawaida Wakenya walimiminika sehemu ya maoni wakituma jumbe za kumtakia nafuu ya haraka na kuomba wapewe akaunti maalum ya benki ambapo watatuma michango yao.
”Natuma maombi yangu kaka,Mungu mbele,” alisema mwanamtandao mmoja.
Muda wa kulazwa hospitalini kwa baba na mwana umesababisha majadiliano ya mtandaoni kuhusu athari za kihisia ambazo hali kama hiyo inaweza kuwa nazo kwa wanafamilia.
Timu ya usimamizi ya Fisher bado haijatoa taarifa rasmi kuhusu hali hiyo. Wanafamilia kwa upande mwingine wameomba faragha wakati huu, wakati jamaa zao wanapokea matibabu.
