• Ni kinyume cha sheria kumiliki, kuuza au kuzalisha madawa ya kulevya nchini Uholanzi.
Nicki Minaj amewaomba radhi mashabiki baada ya kuahirisha tamasha moja mjini Manchester baada ya kukamatwa kwake nchini Uholanzi.
Rapa huyo mwenye umri wa miaka 41, alitarajiwa katika uwanja wa Co-op Live wa jiji hilo Jumamosi, lakini alilazimika kughairi dakika za mwisho baada ya kushikiliwa kwa tuhuma za kusafirisha dawa za kulevya.
Alitozwa faini ya €350 (£300; $380) na polisi wa Uholanzi na kuruhusiwa kuendelea na safari yake.
Akitangaza kwamba sasa atatumbuiza ukumbi wa Manchester Jumatatu ijayo, alichapisha kwenye mtandao wa kijamii: "Naomba radhi kwa usumbufu wote ambao umejitokeza. Ninatumai sana onyesho la Juni 3. Litakuwa maalum sana."
Minaj alisema alitumia saa tano hadi sita kizuizini, kabla ya kuruhusiwa kuruka kutoka Uwanja wa Ndege wa Schiphol wa Amsterdam.
Waendesha mashtaka wa Uholanzi waliviambia vyombo vya habari kuwa alikuwa amebeba gramu 30 hadi 100 za bangi, lakini Minaj alisema "vitabu vya awali" ni vya mlinzi wake.
Ni kinyume cha sheria kumiliki, kuuza au kuzalisha madawa ya kulevya nchini Uholanzi.