Najutia kumuua Ivy-Naftali Kinuthia aambia mahakama

Naftali Kinuthia ambaye alimuua mwanafunzi Ivy Wangeci amekiri kumuua kutokana na uhusiano wa mapenzi kuwa mbaya.

Anasema anajutia tukio hilo na kwamba alizidiwa na hasira.

Naftali alisema anakumbuka kupata shoka kutoka kwa gari lake ili kumshambulia Ivy lakini alibainisha kuwa hakuwa mwenyewe wakati wa matukio yaliyofuata na kusababisha kifo cha Ivy.

“Nikikumbuka nyuma, ninajutia nilichofanya. Ingawa niliumia kulikuwa na njia zingine ambazo ningetumia kutatua tofauti zetu,” alisema.

Kinuthia alisema alitenda kitendo hicho baada ya kuona rafiki yake wa muda mrefu na mpenzi wake wa karibu akimkumbatia mwanamume mwingine siku yake ya kuzaliwa alipokuwa amesafiri kutoka Nairobi hadi Eldoret kumtakia heri ya siku yake ya kuzaliwa na hata kulipa Sh14,000 kwa sherehe ya siku ya kuzaliwa.

Wangechi aliuawa kwa kukatwakatwa nje ya Hospitali ya Rufaa ya Moi mjini Eldoret Aprili 9, 2019.

Naftali alisimulia jinsi kisa hicho kilivyotokea alipotoa ushahidi wake wa mwisho wa utetezi katika kesi ya mauaji inayosikilizwa na Hakimu Stephen Githinji.

Kinuthia alisema alikuwa amesafiri hadi Eldoret siku hiyo ili kumtakia Ivy siku njema ya kuzaliwa ingawa uhusiano wao ulikuwa umetengana na kwamba alikuwa amezuia simu yake kwa muda na hivyo kushindwa kumpata. 

Anasema alijaribu mara kwa mara kusuluhisha tofauti zao na kuwasiliana naye kupitia kwa rafiki aliyetambulika kama Mary Ann Chepkoech.

Alikuwa amemwomba Chepkoech amshawishi Ivy kwamba wakutane na kuzungumza lakini ilifanyika.

Juhudi za kuwafanya wasuluhishe tofauti zao zilishindikana kwa sababu alikataa kukutana naye.

Mnamo Agosti 9, alisafiri hadi Eldoret kwa gari lake na kwenda kwa shule ya matibabu ambapo alipakia gari lake na kuamua kumtafuta Ivy.

“Nilitaka kumtakia heri ya siku yake ya kuzaliwa na pia kumfahamisha kwamba singehudhuria sherehe hiyo kwa sababu nilipaswa kusafiri kurudi Nairobi mara moja kufanya kazi.

"Pia nilitaka kutoa salio kwa chama kibinafsi," Kinuthia alisema.