Wafuasi wa Azimio la Umoja wamsubiri Raila Odinga Kamukunji

Wafuasi wa muungano wa upinzani wamemsubiri kinara wao Raila Odinga kujiunga nao ili kuweza kushauriana ni yapi yatakayofuata kuhusiana na sheria ya ushuru katika fedha.

Raila Odinga, anatarajiwa wakati wowote kuwasili katika uwanja wa ndege wa kimataifa wa Jomo Kenyatta, kutoka Dubai ili aweze kuwapa wafuasi wake mustakabali juu ya sheria iliyopitishwa jana.

Kulingana na  raia, wamehisi kuwa watakuwa katika hali ya hatari kuanzia mwezi ujao wa Julai, na hivyo kumhitaji mkuu huyo wa Azimio awape maelezo zaidi, wakitarajia kutangazwa kwa maandamano ya kitaifa.