Mamia ya wazee kutoka jamii ya kikuyu ,ngome ya kisiasa ya rais Uhuru Kenyatta watamwidhinisha kiongozi wa ODM Raila Odinga kuwania urais mwaka wa 2022 .
Hafla hiyo itafanyika wikendi hii katika boma la Odinga huko Bondo na Zaidi ya wazee 500 wataifanya ziara hiyo ya kihistoria hadi nyanza kwa azimio hilo .
Mkutano huo sasa I ishahara tosha ya jukumu la watu wenye ushawishi mkubw akatika Ikulu kumpiga jeki Raila kisiasa katika uchaguzi mkuu wa mwaka wa 2022 baada ya kudhihirika wazi kwamba wamekataa kumuunga mkono naibu wa rais William Ruto ambaye Uhuru aliahidi kumsaidia kuchukua hatamu atakapostaafu .
Licha ya Raila kutotangaza iwapo atawania urais ,washirika w akaribu wa rais na wenye ushawishi wanaamini kwamba ni Odinga pekee ndiye anayeweza kumzuia Ruto kuchukua hatamu katika uchaguzi mkuu ujao .
“ Wakati wa mkutano huo Wazee watasema kwa kauli moja kwamba watamuunga mkono Odinga kugombea urais’ duru zimearifu .
Baraza la wazee kutoka jamii ya Waluo na wabunge kutoka ngome ya Odinga watahudhuria hafla hiyo . Baada ya mkutano wa Bondo kundi la wazee kutoka jamii ya Waluo pia litachaguliwa kwa awamu ya pili ya mkutano katika kaunti ya Nyeri tarehe 30 mwezi huu .
Kakake mkubwa Raila Oburu Odinga ambaye pia ni mbunge wa jumuiya ya afrika mashariki amesema matayarishi yamefanywa kuwapokea wageni hao .
“ Mgeni anapokuja kukutembelea ,unangoja ili kusikiliza ujumbe wake .huwezi kuweka ajenda ya ziara yake’ amesema Oburu
Siku ya jumamosi rais Kenyatta na bwana Odinga watahudhuria hafla ya maombi ya madhehebu mbali mbali katika Ikulu ya Nairobi .
Wadadisi wa kisiasa wanasema hatua ya kumwidhinisha Odinga yaonekana ni mpango wa kusababisha mirengo na kubadili dhana a wengi kuhusu siasa za urithi huku kila mgombeaji mkuu wa urais akimea mate kura za eneo la Mlima Kenya .
Jamii hizo mbili zimekuwa katikati ya kila malumbano ya kisiasa tangu Kenya ilipojinyakulia uhuru . Hata hivyo jamii hizo zimewai kushirikiana wakati Kenya ilipokuwa ikipigania uhuru Mzee Jomo Kenyatta alipokuwa rais wa kwanza na wakati Bwana Odinga alipomuunga mkono Mwai Kibaki kushinda urais mwaka wa 2002.
Siku ya alhamisi mwenyekiti wa baraza la wazee wa Kikuyu Wachira Kiago alithibitisha kwamba watasafari kwenda Bondo .
