• Neymar ambaye inasemekana yuko mapumzikoni jijini humo aliungana na baadhi ya wachezaji katika klabu ya usiku ya Carpe Diem kufuatia mafanikio yao.
• Sport inasema ana uhusiano mzuri na nyota wa Barcelona akiwemo Sergio Busquets na Jordi Alba, ambao alishinda nao mataji manane makubwa.
Image: Twitter
Neymar aliripotiwa kuwa ‘mgeni wa ghafla’ katika sherehe za Barcelona kushinda taji la La Liga.
Nyota huyo wa Brazil anakabiliwa na mustakabali usio na uhakika katika klabu ya Paris Saint-Germain baada ya mashabiki kuzua fujo nyumbani kwake wakimtaka kuondoka katika klabu yao.
Alisajiliwa kwa miamba hao wa Ligue 1 kutoka Barcelona kwa ada iliyovunja rekodi ya dunia ya pauni milioni 198 msimu wa joto wa 2017.
Licha ya kuondoka karibu miaka sita iliyopita, Neymar anaonekana kudumisha uhusiano wa karibu na baadhi ya wachezaji wenzake wa zamani katika upande wa Catalan.
Kiasi kwamba jarida la Sport la Uhispania linaripoti kwamba mchezaji huyo wa miaka 31 alihudhuria sherehe za kikosi cha Barcelona kama 'mgeni wa kushtukiza'.
Kikosi hicho cha Uhispania, kinachosimamiwa na gwiji wa klabu Xavi, kilifanikiwa kutwaa taji hilo kwa mara ya kwanza tangu 2019 kwa ushindi wa 4-2 dhidi ya wapinzani wao Espanyol Jumapili usiku.
Neymar ambaye inasemekana yuko mapumzikoni jijini humo aliungana na baadhi ya wachezaji katika klabu ya usiku ya Carpe Diem kufuatia mafanikio yao.
Sport inasema ana uhusiano mzuri na nyota wa Barcelona akiwemo Sergio Busquets na Jordi Alba, ambao alishinda nao mataji manane makubwa.
Neymar pia amepata mafanikio akiwa PSG, akishinda taji la Ligue 1 mara nne tofauti.
Hata hivyo, anaonekana si kipenzi cha mashabiki tena mjini Paris licha ya kwamba kwa sasa anauguza jeraha la muda mrefu, na hivi majuzi alijibu maandamano ya mashabiki nje ya nyumba yake.
"Usiruhusu watu wakuweke kwenye dhoruba yao, waweke katika amani yako," aliandika kwenye akaunti yake ya Instagram.
Licha ya hayo, inadaiwa pia kwamba alipenda tweet iliyoonyesha kwamba yeye na nyota mwenzake Lionel Messi walikuwa na furaha zaidi wakiwa Barcelona. Wawili hao waliichezea klabu hiyo kuanzia 2013 hadi 2017 na kuungana tena baada ya timu hiyo kujiunga na PSG msimu wa joto wa 2021.
Kama Neymar, Messi pia anaweza kuondoka katika klabu hiyo majira ya joto huku kukiwa na uhusiano wa kuhamia Saudi Arabia.