Ni takriban mwaka mmoja sasa tangu Lilian Ng’ang’a na mumewe Juliani kutangaza mahusiano yao ya kimapenzi. Lilian alithibitisha mahusiano yake na Juliani wiki chache tu baada ya kukatisha ndoa yake na aliyekuwa mwenzi wake, gavana wa zamani Alfred Mutua.
Juliani katika mahojiano ya awali alisema kuwa hakupanga kujitosa kwenye mahusiano na Lillian, lakini mambo yalizidi kasi baada ya Lillian kuchukua namba yake.
Mwaka mmoja baadaye, wawili hao ni wazazi wa mtoto wa kiume anayeitwa Utheri (mwanga).
Katika mahojiano maalum na mwandishi Elizabeth Ngigi, Lillian alisema yuko kwenye ndoa yenye furaha sana na Juliani.
"Mwaka wangu mmoja na Juliani umekuwa rahisi sana na hivyo ndivyo mapenzi yanavyopaswa kuwa. Inapaswa kuwa rahisi kama kupumua. Naipenda kwa sababu, huyu ni mtu ambaye ananitakia mema zaidi ya kila kitu," alisema.
Wakati wa mahojiano, mwandishi alimuuliza Lillian ikiwa alipanga kupata mtoto wake. Alieleza;
"Kila kitu hutokea kwa sababu na ni nadra sana kukaa chini na kukubaliana kwamba tungependa kupata watoto Julai," alisema.
"Lakini sasa kwa kuwa mtoto yuko hapa, singembadilisha kwa chochote. Ni jambo bora zaidi kuwahi kutokea katika maisha yangu. Mimi ndiye mama mwenye furaha zaidi duniani."
Lillian na Mutua walikuwa pamoja kwa miaka minane. Alipoulizwa ikiwa hakutaka kupata mtoto wakati huo, Lillian alifichua;
"Hakuna mtu ambaye huwa tayari kuwa na mtoto. Mimi niko wazi kwa ulimwengu na kila kitu kinachoweza kutokea. Ninachukua kila kitu kinachokuja kwenye maisha yangu kama yalivyo na inaweza kuonekana kama ni nje ya kawaida, lakini kila kitu hutimiza kusudi. Ninashukuru kwa kila jambo."
