•Bi Musila alibainisha kuwa alipoteza marafiki wengi baada ya hatua ya kuchumbiana waliyochukua miaka minne iliyopita.
• Wawili hao walifunga ndoa rasmi Januari 2022, baada ya karibu miaka miwili ya uchumba.
Wanandoa mashuhuri wa Kenya, mwimbaji Guardian Angel na Esther Musila wamefichua kwamba wote wawili walipoteza marafiki kadhaa baada ya kuanza kuchumbiana takriban miaka minne iliyopita.
Wakizungumza katika kipindi cha ‘Love Wins’ kwenye chaneli ya YouTube ya Esther Musila, wawili hao walisema kuwa baadhi ya marafiki zao hawakufurahishwa na hatua yao na hivyo wakajitenga nao.
Hata hivyo, walibainisha kuwa hawana majuto yoyote juu ya urafiki ambao ulifikia kikomo wakati huo.
"Nilikuwa nikifikiria kuhusu watu tuliowapoteza, na nikagundua kuwa maishani kuna wakati huwa tunabeba mzigo wa binadamu na kumbe tukitoka katika maisha yetu ndio maisha yetu yanakuwa rahisi," Guardian Angel alimwambia mkewe.
Aliongeza, “Kwangu imekuwa safari laini bila watu hao niliowapoteza. Labda wakati huo ningefikiria, mazee sasa hawa jamaa wakienda... Lakini marafiki niliowapoteza sijutii kuwapoteza. Nadhani niliwapoteza kwa sababu bora, na kwa sababu nzuri."
Bi Musila alibainisha kuwa pia alipoteza marafiki wengi baada ya hatua ya kuchumbiana waliyochukua miaka minne iliyopita.
Mama huyo wa watoto watatu wakubwa alibainisha kuwa urafiki fulani si muhimu hasa wakati baadhi ya marafiki wanakosa kuonyesha sapoti.
"Unapokua, na unapotambua aina ya mtu ambaye unataka kuwa, ni muhimu tu kuachana na watu ambao kwanza hawakuungi mkono. Watu wanaofikiri kwamba wanapaswa kuwa hapo, na wamethibitisha kwamba si lazima wawepo. Wakati mwingine unalazimisha uhusiano ambao hauitaji kuwa hapo.
Ninaweza kusema sijasafiri katika nuru kama hii maishani mwangu kwa muda mrefu. Nuru ya kusafiri ni muhimu sana kwa sababu unazingatia zaidi kile ambacho ni muhimu kwako kuliko kuwa katika maisha ya watu wengine ambayo haufanyi athari. Sijutii, nadhani kuwa na mtu mmoja ni nzuri, wewe unatosha. Kuna mengi tunayofanya ambayo huchukua muda wetu mwingi,” Bi Musila alimwambia mumewe.
Guardian Angel na Esther Musila wamekuwa pamoja kwa miaka minne iliyopita. Wawili hao walifunga ndoa rasmi Januari 2022, baada ya karibu miaka miwili ya uchumba.