• Kabi Wajesus amefunguka jinsi alivyojipata akivuta bangi akiwa na umri mdogo wakati akiwa bado katika shule ya Msingi.
•Mtumbuizaji huyo alifichua kuwa alifaulu kupambana na uraibu wa bangi baada ya kuokoka takriban miaka kumi iliyopita.
Mtayarishaji wa maudhui Peter Kabi almaarufu Kabi Wajesus amefunguka kuhusu jinsi alivyojipata akivuta bangi akiwa na umri mdogo wakati akiwa bado katika shule ya Msingi.
Mwanamuziki na mtumbuizaji huyo wa zamani ambaye sasa amegeuka kuwa muumini alifichua kuwa alianza kutumia mihadarati hiyo haramu akiwa darasa la sita baada ya kutambulishwa nayo na kundi la marafiki zake walionuia kumuingiza katika genge la uhalifu.
Alisema alijikuta akitumia bhangi katika jitihada za kuingia katika genge ambalo pia lilimsukuma kutahiriwa kabla ya kumaliza Shule ya Msingi.
“Waliniambia kuingia nahitaji kutahiriwa; njama ambayo ingeniona nikiwashawishi wazazi wangu kuniruhusu nipitishwe kisu katika darasa la 6. Asante Yesu, mpango huo haukutimia!,” Kabi alisema katika chapisho la Jumanne asubuhi.
Aliongeza, “Mara nyingi tunasikia watu wakitumia bangi, lakini ni njia ambayo inaweza kupelekea mtoto wa mtu kwenye uhalifu, uraibu mkubwa, au maisha yenye manufaa kama kabichi! Kwa hivyo tusifanye dawa za kulevya zionekane za kufurahisha kwa sababu wewe ni mtu mzima na labda unajidhibiti. Vipi kuhusu huyo mtoto ambaye anatazama na wanachotaka ni nakala bila kujidhibiti? Akili zao changa zitaokolewaje na hili?”
Kabi alifichua kuwa daktari alimshauri kuacha kuvuta bangi na sigara baada ya kugundulika kuwa na TB, jambo ambalo alifanikiwa kulifanya kwa muda mfupi tu kabla ya kuingia kwenye uraibu tena.
Mtumbuizaji huyo alifichua kuwa alifaulu kupambana na uraibu wa bangi baada ya kuokoka takriban miaka kumi iliyopita.
“Mnamo Septemba 15, 2013, nilipata wokovu na nikazaliwa upya. Kwa kuogopa kurudia, niliweka misokoto mingine ili tu. Lakini kwa mshangao nilipomkubali Yesu kuwa mwokozi wangu, hamu hiyo ilitoweka!,” alisema.
Aliongeza, "Lakini pia nilifanya jambo lingine - nilikuwa na mazungumzo ya dhati na mapepo yangu ya zamani, nikiwashikilia na kutangaza, "Sitakuvuta au sitakunywa tena, sasa nimezaliwa upya!" Ninaamini katika uwezo wa kushuhudia imani yako, si kwa wengine tu, bali kwa mapambano yako pia."
Kabi alitumia mstari wa Biblia wa Ufunuo 12:11 kusimulia jinsi alivyoweza kupambana na uraibu huo.