{Picha} Rais Ruto, DP Gachagua, Raila wahudhuria misa ya kumkumbuka Jenerali Ogolla

Ibada maalum ya kumkumbuka marehemu Jenerali Francis Ogolla inaendelea jijini Nairobi.

Hafla hiyo inafanyika katika uwanja wa Ulinzi wa michezo ulio karibu na Barabara ya Langata. Inangozwa na makasisi kutoka jeshi.

Rais William Ruto, naibu wake Rigathi Gachagua, waziri mkuu wa zamani Raila Odinga, viongozi wengine wakuu wa serikali na familia ya marehemu Ogolla ni miongoni mwa wageni wengine waliohudhuria hafla hiyo.

Rais Ruto aliwasili katika hafla hiyo dakika chache kabla ya saa saba mchana akiandamana na mkewe Racheal Ruto na Naibu Rais Rigathi Gachagua.

Kiongozi wa ODM Raila Odinga alikuwa amefika muda mfupi kabla yao.

Katika hafla hiyo iliyoratibiwa kuanza rasmi mwendo wa saa saba mchana, maafisa wa KDF watampa heshima kiongozi wao mkuu.

Kando na saluti ya bunduki 19, Ogolla pia ataonyeshwa heshima kwa utulivu na ukimya wa dakika moja na muundo wa mtu aliyetoweka.

Taarifa kutoka kwa Waziri wa Ulinzi Aden Duale ilisema kwamba wengine wanaotarajiwa katika hafla hiyo ni pamoja na maafisa wakuu wa serikali, viongozi wa Bunge, mahakama, viongozi wa kisiasa, makamanda wa sekta ya usalama na wanadiplomasia.

"Heshima hizo zitajumuisha ibada ya kanisa, gwaride la kijeshi na salamu ya bunduki 19," Duale alisema katika taarifa.

Mwili wa marehemu Ogolla uliondoka Mashujaa Funeral Home kwenda Ulinzi Sports Complex mwendo wa saa tano unusu asubuhi.

Sherehe hiyo itaanza rasmi mwendo wa saa saba mchana ikianza kwa maombi, ikifuatiwa na hotuba na hatimaye heshima za kijeshi.

Ruto pia alitangaza siku tatu za asubuhi kitaifa kwa heshima ya Ogolla.