•Familia ya mama huyo wa watoto wanne na mke inamtaja kama mwanamke mwenye huruma ambaye alipenda jamii ya eneo lake na alijitolea yote katika kutunza afya zao.
•Mshukiwa ametumia karibu nusu ya maisha yake gerezani baada ya kukutwa na hatia ya uhalifu.
Image: INTRNET
Muuguzi wa magonjwa ya akili Mkenya anayefanya kazi Marekani aliuawa kwa kudungwa kisu na mgonjwa wake alipokuwa akimhudumia.
June Onkundi alikuwa akimhudumia James Gomes ambaye ana historia ndefu ya ugonjwa wa akili lakini hakunusurika Jumanne iliyopita.
Mwanamume ambaye alikuwa akijaribu kuokoa maisha yake, badala yake alichukua yake.
Familia ya mama huyo wa watoto wanne na mke inamtaja kama mwanamke mwenye huruma ambaye alipenda jamii ya eneo lake na alijitolea yote katika kutunza afya zao.
Walichukua maisha yake kama malipo, alisema Andrew Nyabwari, kakake Onkundi.
"Watu walewale ambao alikuwa na shauku na hamu ya kusaidia ndio ambao hatimaye walimchukua kutoka kwetu na kutuacha tukiwa na majonzi na watoto wanne na mume," Nyabwari aliambia ABC NEWS 11 yenye makao yake Raleigh, North Carolina.
Onditi Nunda, binamu ya Onkundi anayeishi Texas, aliambia kituo hicho kwamba muuguzi huyo aliithamini sana familia yake na kwamba angejitolea kwa ajili yao bila kufikiria.
"Alikuwa mtu ambaye anathamini sana familia. Kila kitu ambacho angefanya ni cha familia. Hicho ndicho nitakachomkumbuka," alisema Nunda.
Muuguzi huyo wa magonjwa ya akili alifanya kazi katika Kituo cha Urejeshaji cha Freedom House katika kaunti ya Durham, North Carolina, ambapo alikuwa na shauku ya kusaidia wagonjwa wa akili, na alikuwa na sifa ya kufanya kazi kama daktari msaidizi kusimamia matibabu na kutoa maagizo.
Kulingana na vyombo vya habari vya ndani, Mmarekani mweusi mwenye umri wa miaka 47 Gomes ni mhalifu wa mfululizo ambaye ana tabia ya kuwalenga wahudumu wa afya wanaomhudumia au wafanyakazi wenzake.
Pia ametumia karibu nusu ya maisha yake gerezani baada ya kukutwa na hatia ya uhalifu.
Mwaka wa 2006, WRAL News iliripoti, Gomes alipatikana na hatia kwa kujaribu kumbaka mfanyakazi mwenzake.
Aliachiliwa kutoka gerezani mnamo 2018 lakini miezi tisa baadaye, alihukumiwa tena kwa utekaji nyara na kujaribu kumuua mhudumu wa afya kwa kumnyonga.
Kabla ya kumuua Onkundi, alikuwa ameachiliwa kutoka gerezani kwa miezi minne pekee.
Kulingana na nurse.org, tovuti inayoandika habari kuhusu wauguzi huko North Carolina, Onkundi alianza kufanya kazi katika Freedom House takriban miezi mitatu iliyopita lakini haraka alipata uzoefu mkubwa na idadi ya wagonjwa.
Alikuwa na nia ya kufuata mpango wa udaktari katika Chuo Kikuu mashuhuri cha Duke kuanzia Januari.
Polisi wa Durham waliitikia wito wa dhiki kutoka kwa taasisi hiyo baada ya tukio hilo.
Gomes kwa sasa anakabiliwa na kesi ya mauaji ya daraja la kwanza kutokana na tukio hilo na anashikiliwa bila dhamana.
Chama cha Wauguzi cha North Carolina kiliita kifo chake kutokuwa na maana, kikilaani unyanyasaji wa mahali pa kazi ambao ulikatisha kazi yake.
Chama hicho kilisema haikuwa haki kwamba Onkundi aliuawa na mgonjwa wake lakini "alijitolea maisha yake kusaidia wengine."
"...sote tunapaswa kujivunia matokeo chanya aliyokuwa nayo kwa baadhi ya wagonjwa walio hatarini zaidi. Kupoteza kwake kumetikisa taaluma ya uuguzi kote North Carolina," chama hicho kilisema katika taarifa.