• Licha ya usiri uliofunika uhusiano wake kwa miaka mingi, habari za harusi ya Mane zimeenea mtandaoni.
Image: Hisani
Image: Facebook
Ni rasmi nyota wa kandanda wa timu ya taifa ya Senegal na klabu ya Al Nassr ya Saudi Arabia, Saudi Mano hayuko sokoni tena.
Hii ni baada ya mchezaji huyo kufunga ndoa ya Kiislamu na mpeziwe wa muda mrefu aliyefahamika kwa jina Aisha Tamba.
Sherehe ya ndoa ilifanyika Keur Massar, Dakar, Senegal, ikionyesha upande wa faragha wa maisha ya winga huyo wa Al Nassr.
Licha ya usiri uliofunika uhusiano wake kwa miaka mingi, habari za harusi ya Mane zimeenea mtandaoni.
Winga huyo wa Al Nassr pia alikuwa ameweka wazi nia yake tangu mwanzo kwa kumtunza na kumlipia bili alipokuwa shuleni.
Mchezaji huyo bora wa Afrika mara mbili ameweza kuweka maisha yake ya kibinafsi mbali na vyombo vya habari, na sherehe hii isiyotarajiwa imechochea tu maslahi ya umma.
Aisha anafahamika kuwa anatoka katika asili ya unyenyekevu na ya kawaida nchini Senegal na cha kufurahisha ni kwamba hayupo kwenye mitandao ya kijamii.
Itakumbukwa mwaka juzi Radiojambo.co.ke iliripoti kuwa mchezaji huyo baada ya kuulizwa kuhusu mwanamke bora wa maisha yake, alisema kigezo cha kwanza ni sharti awe si mtu wa mitandaoni.
Wiki yenye matukio mengi ya Sadio Mane inazidi maisha yake ya kibinafsi, kwani hivi majuzi aliandika vichwa vya habari kwa juhudi zake za uhisani.
Siku chache kabla ya kuapisha na mpenzi wake wa muda mrefu, Mane alifikia hatua muhimu kwa kuchangia ujenzi wa uwanja wa michezo huko Bambali, Senegal.
Kitendo hiki cha ukarimu kinaonyesha kujitolea kwa Mane kurudisha nyuma kwa jamii yake na kuimarisha miundombinu ya michezo katika nchi yake.
Awali tuliripoti kwamba Sadio Mane alijenga uwanja mpya huko Bambali, kuchukua nafasi ya uwanja wa matope ambapo safari yake ya soka ilianza.