Nyota wa Brazil,Vinicius Junior hatashiriki kwa mechi ya robo fainali ya Copa America ya Brazil dhidi ya Uruguay.
Nyota huyo wa Real Madrid, 23, alionyeshwa kadi ya pili ya njano ya michuano hiyo katika mchezo wa mwisho wa hatua ya makundi dhidi ya Colombia.
Vini,alipewa kadi ya njano kwa kumwangusha James Rodriguez baada ya dakika saba tu za mechi huko Santa Clara, California.
Awali ,mchezaji huyo alipewa kadi ya njano dhidi ya Paraguay katika dakika ya 83 ya ushindi wa 4-1 ,mechi ambayo awali alifunga mara mbili. Sasa atakosa pambano la nane bora dhidi ya Uruguay, litakalofanyika Jumamosi huko Las Vegas.
"Inatokea," kocha mkuu wa Brazil Dorival Junior alisema baada ya kudhibitisha kuwa Vinicius Junior hatashiriki.
“Ulikuwa mchezo muhimu na sikumpumzisha mtu yeyote. Tulianza mchezo vizuri sana. Ilikuwa ya kushangaza sana. Ilikuwa changamoto ya kwanza ya mchezo. Lakini watu wanasema tunapaswa kujifunza kucheza bila nyota wetu wakubwa, kwa hiyo sasa ni wakati. Katika nyakati fulani, hatutakuwa na wachezaji muhimu. Tayari tumempoteza Neymar. Ni wakati kwa wachezaji wengine kuongeza kasi.”
Aidha,Kiungo wa kati wa Colombia Jefferson Lerma atakosa pia mchezo ujao wa timu yake, dhidi ya Panama, baada ya kufungiwa pia kwa mara ya pili katika mashindano hayo.
Vinicius Junior, ameichezea nchi yake mechi 33, akifunga mabao matano. Alifunga mara mbili dhidi ya Paraguay na kukaa nyuma ya Lautaro Martinez wa Argentina pekee katika mbio za kuwania kiatu cha dhahabu cha mashindano hayo.
Hata hivyo Brazil italazimika kutafuta ushindi kwenye mechi hio ya robo fainali itakayochezwa Jumapili asubuhi saa kumi ,saa za afrika mashariki kupitia kwa wachezaji mahiri kama vile Raphinha,Rodrygo na wengineo.
