• Hakujua hata kuwa alikuwa mtoto wa mchungaji mkuu wa jiji, marehemu Augustine Yiga.
• "Tulikutana kabla ya kuwa mchungaji," alisema.
Image: Insta
Mwanamke mmoja kutoka nchini Uganda ambaye hivi karibuni ametambulishwa kuwa mpenzi wa mchungaji mmoja maarufu nchini humo sasa amefichua kwamba alilazimika kuacha shule pindi tu mchungaji huyo alipomtongoza.
Mrembo huyo kwa jina Fiona Kyomugisha, mpenzi mpya wa Mchungaji Andrew Jengo alikiri runingani kwamba aliamua kuacha shule ilmradi tu kuwa na mtumishi wa Mungu.
alipata uhuru wa kushiriki upekuzi katika hadithi yao ya kuvutia ya mapenzi na kijana Mtu wa Mungu, ambayo imeifanya jumuiya nzima ya Kikristo katika Kanisa la Ufufuo Kawaala kufurahishwa.
Kyomugisha, anayejulikana kwa jina la Fifi miongoni mwa rika lake, aliambia UBC TV kwenye mahojiano kwamba wakati alianza kuchumbiana na Jengo zaidi ya miaka 5 iliyopita, hakujua chochote kumhusu.
Hakujua hata kuwa alikuwa mtoto wa mchungaji mkuu wa jiji, marehemu Augustine Yiga.
"Tulikutana kabla ya kuwa mchungaji," alisema.
"Sikujua kuwa alikuwa mtoto wa mchungaji, na hakuwahi kuniambia kuhusu hilo. Niligundua mara moja tu alipolazimishwa kusema hadharani kuhusu utata uliomzunguka baba yake.”
Ingawa alikuwa akimpenda sana, Fifi anasema, alikuwa na wasiwasi mwingi kuhusu kuwa katika uhusiano na kiongozi wa kanisa.
Kwanza, hakuzaliwa mara ya pili wakati huo. Anatoka katika familia shupavu ya Kianglikana kutoka Nakaseke.
"Nilimpenda sana, lakini ilikuwa shida kwangu kwa sababu sikuweza kujiona kuwa mke wa mchungaji," alisema.
“Mimi binafsi sikuwa mtu wa kidini sana, hata sikujua jinsi ya kusali, lakini baada ya muda, alinisaidia kuzoea.”
Hivi sasa anaendesha huduma ya hisani katika kanisa ambayo inawasaidia watoto walemavu.
Wakati huo huo, Fifi alifichua kuwa hakumaliza masomo yake kwa sababu ya uhusiano wake na Jengo.
"Niliacha shule na alikuwa na mkono katika hili. Sote tulikuwa wadogo na tulikuwa tukiambiana uwongo, kwa hiyo niliacha shule na yeye pia aliacha shule,” alisema.
Kwa sasa, yeye na Jengo wanaishi pamoja lakini anasisitiza kuwa hawajalala pamoja na watafanya hivyo hadi baada ya harusi yao.
Harusi imepangwa Novemba mwaka ujao.