Rais wa Uganda Yoweri Museveni anatazamiwa kukutana na wabunge wa chama tawala cha National Resistance Movement (NRM) siku ya Alhamisi kujadili muswada 'tata' wa kupinga mapenzi ya jinsia moja uliopitishwa na bunge mwezi uliopita.
Mkutano huo utafanyika katika Ikulu ya Entebbe, kwa mujibu wa taarifa ya mwenyekiti wa kikao cha wabunge wa NRM, Denis Obua.
Wabunge wote wanatakiwa kupima Covid-19 kabla ya mkutano, tovuti ya serikali ya New Vision iliripoti.
Muswada huo, ambao vyombo vya habari vya ndani vinasema kuwa Bw Museveni huenda akatia saini kuwa sheria, utamshuhudia mtu yeyote anayejihusisha na vitendo vya mapenzi ya jinsia moja akikabiliwa na kifungo cha miaka 20 jela na hukumu ya kifo kwa wafungwa wa vitendo hivyo uliokithiri.
Sheria iliyopendekezwa imevuta hisia kimataifa, huku Marekani ikitishia kuiwekea Uganda vikwazo iwapo muswada huo utapitishwa kuwa sheria.
