Mchanganuzi wa masuala ya kisiasa Prof Mutahi Ngunyi kupitia kwenye ukurasan wake rasmi wa Twitter alimshauri Rais William Ruto kusimamia mitandao yake ya kijamii hasa twitter.
Akisimulia uzoefu wa Rais wa zamani Uhuru Kenyatta, Prof Mutahi Ngunyi anasema Wakenya kwenye Twitter walimlazimisha Uhuru kujiondoa kwenye mitandao ya kijamii.
Kutokana na hali hiyo, anamtaka Rais William Ruto kukumbatia ujinga na kuruhusu walengwa wa kejeli.
"Ndugu Ruto: Hadithi kama za uwongo wa Mtukufu ndizo zilizomfanya Uhuru Kenyatta aache mitandao ya kijamii. Kushughulika na KOT ni kama kumng'oa paka. inaumiza kichwa. Itazidi kuwa mbaya zaidi. Dau lako bora ni kukumbatia ujinga kama Kibaki. Rais mwenye kichwa wazi ni kila mara huwa ni mzaha,” Mutahi aliandika.
Haya yanajiri baada ya baadhi ya wanamitandao wa Twitter kuikashifu Serikali kufuatia tangazo la Maadhimisho ya Madaraka kuhusu kuanzishwa kwa pikipiki za umeme.
Wakenya wanamtaka Rais kushughulikia gharama ya maisha, pamoja na kutimiza ahadi za awali.
Prof Ngunyi anaonya, mashambulizi yatazidi kuwa mabaya zaidi.
Ngunyi mara kwa mara ameonekana akimpa Rais Ruto ushauri pamoja na serikali ya Kenya Kwanza.
Siku ya Madaraka Dei Rais Ruto akihutubia wananchi aliwaahidib waendesha pikipiki kuzindua pikipiki za umeme ifikiapo Septemba mwaka huu, ili kupunguza gharama ya petroli.
Ahadi ya Ruto ilipokelewa kwa hisia tofauti na Wakenya.
