•Obado na wasaidizi wake walishtakiwa kwa kuhusiana na kifo cha mwanafunzi wa chuo kikuu Sharon Otieno na mtoto wake aliyekuwa tumboni.
Image: hisani
Kesi ya mauaji dhidi ya aliyekuwa Gavana wa Migori Okoth Obado imepangwa kusikilizwa kuanzia Julai 17, huku mashahidi 18 wakisalia.
Jaji Cecilia Githua alisema ataendelea na kesi hiyo hata baada ya kuhamishwa hadi Murang’a.
"Nilidhani nitaliepuka suala hili baada ya uhamisho wangu...Lakini ni sawa tutaendelea kutoka tulipotoka," alisema.
Kesi hiyo itasikizwa kuanzia Julai 17 hadi 21, na Julai 24 hadi 28. Aliomba pande zote zishirikiane na mahakama ili kesi hiyo iamuliwe. Ofisi ya Mkurugenzi wa Mashtaka ya Umma ilijitolea kuhakikisha wanakuwa na mashahidi mahakamani kwa siku ambazo zimetengwa.
Mara ya mwisho kesi hiyo ilipokuwa mahakamani, kesi hiyo ilikosa kung'oa nanga shindwa kufuatia malalamiko ya mawakili wa utetezi kutopewa stakabadhi za ushahidi unaotegemewa na shahidi kutoka Mamlaka ya NTSA.
Shahidi huyo alikuwa tayari ametoa msimamo huo lakini alisimamishwa baada ya mawakili Kioko Kilukumi na Rodgers Sagana kusema hawakupewa hati hiyo na pia imeshindwa kukidhi matakwa ya Sheria ya Ushahidi.
Baraqo Baji, ambaye ni shahidi wa 25 wa upande wa mashtaka, alikuwa akirejelea hati inayoelezea usajili wa gari linaloaminika kutumika wakati wa kutekwa nyara kwa marehemu Sharon Otieno. Gari hilo ni Toyota Fielder KCL 481K. Alikuwa mahakamani Julai mwaka jana.
Shahidi huyo wakati huo alifanya kazi chini ya Idara ya Usajili ya NTSA. Aliambia Githua kwamba walikuwa wamepokea barua ya ombi kutoka kwa Kurugenzi ya Upelelezi wa Jinai kuhusu gari hilo na jingine KCF 519F. DCI ilitaka kujua wamiliki wa sasa na wa zamani wa gari hilo na habari nyingine yoyote muhimu.
Kutoka kwa rekodi ya NTSA, gari la KCL liliingizwa nchini na Saidi Kalu . Asili yake ni Japan na ilisajiliwa tarehe 28 Aprili 2017. Mnamo Agosti 13, 2018, gari hilo lilihamishiwa kwa Adhiambo Oloo Olivia.
Maelezo ya usajili wa gari yamesalia chini ya jina lake hadi sasa. Upande wa utetezi ulipinga hati hizo zinazotaja masuala ya vyeti. Obado, wasaidizi wake wa kibinafsi Micheal Oyamo na Caspal Obiero wako mahakamani wakikabiliwa na kesi ya mauaji ya Sharon na mtoto wake aliyekuwa tumboni.
Watatu hao na wengine ambao hawakufikishwa mahakamani wanashtakiwa kwa kutekeleza uhalifu huo mnamo Septemba 3, 2018 katika eneo la Owade, kaunti ya Homa Bay. Sharon alipatikana akiwa amelala kwenye dimbwi la damu kwenye kichaka cha Owade, kaunti ya Homa Bay.
Matokeo ya DNA yamethibitisha kuwa mtoto wa kiume ambaye hajazaliwa alikuwa wa Obado. Ilikuwa kijusi cha wiki 28 wakati kilipokutana na kifo chake.