Naibu wa Rais William Samoei Ruto sasa amegeuza mtindo wake wa kufoka au hata kuwajibu mahasimu wake wa kisiasa a na kugeukia mtandao wa kijamii wa Twitter.
Hulka hii inafanana sana na ya Rais wa marekani Donald Trump.
Soma hadithi nyingine:
Kwa mfano, wiki hii Ruto amechapisha jumbe mbili katika mtandao huu.
Jumbe hizi zinaonyesha kero kubwa kwanza kwa gavana wa Kirinyaga Anne Waiguru na vyombo vya habari.
Ya kwanza akimlenga Gavana Waiguru. Nyingine akilenga vyombo vya habari hususan gazeti moja la humu nchini.
Hii ni baada ya Gavana huyo mapema wiki hii kunukuliwa katika vyombo vya habari akisisitiza kwamba jamii ya Agikuyu haiko tayari kumchagua tena rais kutoka jamii hiyo.
Kauli hii ya Waiguru haikumfurahisha Ruto na akaamua kumjibu kupitia mtandao wa Twitter.
Soma hadithi nyingine:
“Tulimuunga mkono na kumpigia kura Uhuru akamrithi Kibaki kwa misingi ya uchapakazi wala sio ukabila. Yeye sio kiongozi wa jamii yoyote ila ni kiongozi wa Jubilee…” Ruto alisema.
https://twitter.com/WilliamsRuto/status/1172095736718209026
Tamko la Waiguru kwa kweli halikumgusa moja kwa moja Ruto wala hakutajwa popote. Ila kwa kusema hivyo anaweza kuwa akimaanisha kuwa katika miaka iliyopita jamii za Kalenjin na Kikuyu zilitawala Kenya na kwa hivyo Kenya haipo tayari tena kwa uongozi wa jamii hizi mbili.
Ruto anakimezea mate sana kiti hiki cha urais 2022.
Soma hadithi nyingine:
Siasa za ni nani atakayemrithi Rais Uhuru Kenyatta zinashadidi na kurindima kama moto jangwani licha ya Kenyatta kuwaonya wanaofanya siasa za mapema kukoma.